Лондон университети қошидаги Шарқ ва Африка тадқиқотлари маркази эълон қилган янги ҳисобот хулосаси ана шундай. Тадқиқотчилар фикрича¸ дунëнинг аксар камбағал ўлкаларида ота-оналар қиладиган бу зўравонликни Ўзбекистонда марказий ҳукумат амалга оширмоқда.
Якунига етаëтган 2010 йил Ўзбекистонда сиëсий воқеаларга кўп ҳам бой бўлмади - сиëсий саҳнада на янги арбоб ва на янги куч пайдо бўлди¸ на эскилари бирор янги ҳаракатга қўл урди. Халқ эса яна¸ парда ортида кечган сиëсий ўйинларнинг сассиз-садосиз томошабини бўлиб қолаверди...
Ўзбекистон ҳукумати Навоийдаги эркин иқтисодий зона ҳудудида ташкил этилаëтган “Силикон водийси”ни кенгайтирмоқчи - 2011 йилдан бошлаб Хитой ва Жанубий Корея сармоядорлари билан ҳамкорликда Classmate компютерлари¸ LCD мониторлар ва GSM стандартидаги мобил телефонлар ишлаб чиқаришни бошламоқчи.
Бош қароргоҳи Лондонда жойлашган Amnesty International ташкилоти Бишкек ҳукуматининг июн ойида мамлакат жанубида рўй берган миллий асосдаги зўравонликлар айбдорларини топиб¸ жазолаш ҳаракатларини кескин танқид қилди.
10 декабр куни КХШТ саммитида қатнашган Ўзбекистон президенти бу ташкилотнинг аъзо давлатлар ҳудудидаги низоларни бостириш иштаҳасини яна бўғди. Бундай ëндашувни оқилона деб баҳолаëтган таҳлилчилар фикрича¸ Каримовнинг ушбу қаршилиги остида жиддий асослар йўқ эмас.
АҚШ Давлат котиби Ҳиллари Клинтоннинг 2 декабр куни Тошкентга қилган бир неча соатлик ташрифини шарҳлаëтган таҳлилчилар¸ ана шу фикрда якдилдирлар. Кузатувчиларга кўра¸ Афғонистондаги АҚШ ҳарбийлари таъминоти учун Ўзбекистонга қарам бўлиб турган Вашингтон¸ Каримовнинг барча инжиқлигини қабул қилишга мажбур.
29 ноябр куни Чехиянинг Ўзбекистондаги элчихонасида Чехия олий ўқув юртларида ўқиш имконларига бағишланган тақдимот маросими бўлиб ўтади. Айни пайтда¸ мазкур анжуманда иштирок этадиган Плзен университети профессори Станислав Мика ўз олийгоҳида ўқийдиган бўлғуси талабаларни саралаб қайтади.
Озодлик октябр ойининг сўнгги¸ ноябрнинг биринчи ҳафтасида Тошкентдаги давлат нотариусларининг кўчмас мулк савдосини расмийлаштиришни тўхтатгани ҳақида хабар берган эди. Кейинги хабарларга кўра¸ айни кунларда бу жараëн нормал изга қайта бошлаган.
16 ноябр БМТ томонидан Халқаро толерантлик куни деб эълон қилинган. 1996 йилдан бери ҳар йилнинг бир кунини толерантлик байрами сифатида нишонлаш¸ афсуски¸ тобора глобаллашиб бораëтган дунëдаги ўзаро тоқатда яшаш иштиëқини кўп ҳам кучайтира олмади.
Озодлик сайтида бошланган Ўш қирғини кунлари зўрланган ўзбек қиз-жувонларига моддий ëрдам йиғиш кампаниясига қўшилганларнинг дастлабки эҳсони¸ эгаларига етказилди¸ деб хабар қилди Ўшдан бу аëлларга ëрдам учун тузилган ташаббус гуруҳи вакиллари.
11-14 июн кунлари Ўш ва Жалолободда рўй берган қирғин кунлари босқинчилар томонидан зўрланган ўзбек қиз ва жувонлари айни кунларда дўзах азобини бошдан кечирмоқда. Бир томондан¸ улар тажовузкор махлуқлар еткизган жисмоний оғриқдан¸ бошқа томондан эса¸ ўз яқинлари¸ маҳалла-кўй еткизаëтган руҳий хуружлардан изтироб чекмоқда: "номусга қолдим" деган эрлар бу аëлларни ташлаб кетмоқда¸ жамият улардан ор қилмоқда.
Ўзбекистонликларнинг кун сайин кўпроқ дори истеъмол қилаëтгани фармацевтика ширкатлари ва улар ҳомийлари тувагини тиллага айлантирмоқда. Фармацевтика ширкатлари учун хушхабар бўлган бу тамойил¸ халқ табобати этагини маҳкам тутганлар назарида¸ Ўзбекистон халқи¸ хусусан унинг келажак авлодлари саломатлиги учун ўта хатарли бир жараëн ифодасидир.
Ўзбекистон парламенти хориж валютасини бозорда алмаштириб оламан¸ дегувчилар учун жиддий огоҳлантирув йўллади - уларни қармоққа туширишга ëрдам берувчи "ҳамкор"лар жазога тортилмайди. Молиявий таҳлилчилар эса¸ ўзбек депутатларига бундай ҳаракат билан "қора бозор"ни тугатиб бўлмаслиги оддий ҳақиқат эканини эслатмоқдалар.
26 октябр куни маркази Лондонда жойлашган Легатум институти дунë давлатларидаги фаровонлик даражасига оид янги ҳисоботини эълон қилди. Дунë аҳолисининг қарийб 90 фоизи яшаëтган 110 давлат киритилган рўйхатда фаровонлик даражасига кўра, Ўзбекистон 76 поғонага қўйилди.
Ўзбекистон президенти фармонига мувофиқ мамлакат Иқтисодиëт вазири Суннатилло Бекенов ўз вазифасидан бўшатилиб¸ унинг ўрнига Молия вазири ўринбосари бўлиб ишлаб келган Равшан Ғуломов тайинланди. Мамлакат ҳаëт-мамоти учун муҳим бу вазирликдан кетган ҳам¸ келган ҳам аксар ўзбекистонликларга мутлақ нотанишдир.
19-20 октябр кунлари Ўзбекистон президенти туркманистонлик ҳамкасби таклифига мувофиқ Хоразмнинг Шовот туманига туташ Тошҳовуз шаҳрида “Туркман-ўзбек дўстлиги” фестивалида иштирок этади. Бу фестивал, Ислом Каримов ва Гурбангули Бердимуҳаммедов муносабатларидаги иттифоқчиликнинг кучайиб бораëтгани аломати сифатида талқин этилмоқда.
Жаҳон бозорида пахта нархи кейинги 20 йил ичидаги рекорд даражага етай деб турган бир пайтда¸ чоршанба куни расмий Тошкент ўзбек пахтаси экспорти камайтирилишига оид беш йиллик режасини эълон қилди. Ўзбекистон Бош вазирига кўра¸ 2015 йилга бориб етиштирилаëтган пахта толасининг ярмига яқини мамлакат ичкарисида қайта ишланади.
Шу кунларда АҚШ сиëсий гуруҳлари¸ қолаверса халқаро сиëсатчилар орасида нуфузли ҳисобланмиш Foreign Policy нашрининг икки таниқли таҳлилчиси ва блогери айни шу савол устида баҳс олиб бормоқда. Халқаро муносабатлар бўйича икки номдор профессор бу саволга бир-бирига мутлақ тескари жавоб бермоқда.
Қорақалпоғистон фермерлари билан учрашув чоғида Орол фожиасига алоҳида тўхталган Ўзбекистон президенти Душанбе ҳукуматининг Роғун ГЭС и қуриш режасига янада кескинроқ эътироз билдирди. Бу лойиҳани “ахмоқона” деб атаган Каримов¸ Ўзбекистон Амударë сувининг бир грамми ҳам камайтирилишига йўл қўймаслигини таъкидлади.
5 октябр куни АҚШ Давлат Департаменти 2012 йил “Турли Миллат Вакиллари учун Иммиграцион Визалар” - Грин Кард лотереясига рўйхатга олиш даврининг бошланганини эълон қилди. Сони йил сайин кўпайиб бораëтган Америкага кетиш орзусидаги ўн минглаб ўзбеклар учун ўз омадларини синаб кўриш учун яна бир ойлик муҳлат бошланди.
Давомини ўқинг
