Самсунг Galaxy S24 cмартфони тақдимотини ўтказди

Калифорниянинг Сан-Хосе шаҳрида бўлиб ўтган Samsung Unpacked тадбирида Galaxy S24, S24+ ва S24 Ultra cериялари намойиш қилинди.

Компания мазкур смартфонларда сунъий интеллектга кўпроқ урғу берган. Galaxy S24 фойдаланувчилари реал вақт режимида турли тилларга таржима қилиш имконини берувчи «АI Live Translate call» функциясига эга бўлади. Шу билан бирга, Чат Ассист функцияси юборилган хабарларни автоматик равишда бир тилдан бошқа тилга таржима қилади. Қолаверса, Galaxy AI кўплаб бошқа функциялар қатори Note Assist ва Тranscript Аssist каби қулайликлар билан фойдаланувчиларни хушнуд этади.