"Ҳаммани қамаб бўлмайди". Навальнийга нисбатан шартли қамоқ ҳақиқийсига ўзгартирилиши мумкин

Fevral 01, 2021

Россия: Владимир Путин ва Алексей Навальний - коллаж

Россия Бош прокуратураси Алексей Навальнийнинг шартли қамоқ жазосини реал қамоқ жазосига алмаштириш тўғрисидаги талабни асосли, деб ҳисоблашини маълум қилди.

Прокуратура Жазони ижро этиш федерал хизматининг бу борадаги сўровини судда қўллаб-қувватлашини билдирди.

Мухолифатчи Алексей Навальний шартли равишда қамоққа ҳукм қилинган шахс сифатида хориждалик пайти синов муддати шартларини бузганликда айбланиб, тергов ҳибсхонасида 30 кунлик ҳибс муддатини ўтаяпти.

“ОВД-Инфо” мустақил нашри 31 январь кунги норозилик акциялари чоғида полиция Навальнийни дастаклаган 5,135 одамни қўлга олганини маълум қилди.

Қаҳратон қиш, оммавий ҳибсга олишлар ҳамда норозиларга қарши номутаносиб равишда куч қўлланилаётганига қарамай, Россия бўйлаб ўн минглаб одам Алексей Навальнийни озод қилиш талаби билан иккинчи ҳафта намойишларга чиқмоқда.

Россияда мухолифат етакчиси Алексей Навальний заҳарланиши ортида турган ФХХ “заҳарловчилар жамоаси” Кабардин-Болқор ва Доғистонлик икки фаол - Тимур Куашев ва Руслан Магомедрагимовни, ҳамда сиёсатчи Никита Исаевни заҳарлаб ўлдиргани айтилмоқда.

Мавзуга алоқадор

“Мукаммал қотиллик”. Христо Грозев – “ФХХ заҳарловчилари” ҳақида

Намойишчилар коррупция даражаси ҳамда турмуш шароитларининг ёмонлашаётганидан ҳам норози.

Навальний бошчилик қиладиган Коррупцияга қарши кураш фонди Геленжик яқинидаги Владимир Путиннинг 1,35 миллиард доллар деб баҳоланган саройи ҳақида суриштирувини эълон қилганди. Қарийб 2 соатлик видео ҳозиргача 100 миллион мартадан кўпроқ кўрилган.

"Ҳаммани қамаб бўлмайди"

АҚШ, ЕИ ва қатор инсон ҳуқуқлари ташкилотлари полиция фуқароларга қарши номутаносиб равишда куч қўллаётгани ҳамда журналистлар қўлга олинганини қоралаб чиқди.

Amnesty International хабарига кўра, ҳибсхоналарда жой қолмаганидан полиция одамларни депортация марказларида сақламоқда.

“Мамлакатдаги ҳар бир танқидчини қамаш имконсиз. Россия ҳукумати одамларга ўз фикрини қўрқмай ифода этиш имкониятини бериши керак”, дейилади ташкилотнинг баёнотида.

Аввалги намойишда бўлгани каби, Навальний тарафдорлари мамлакатнинг 100 дан ортиқ шаҳрида митинглар ўтказди. Бу Путин ҳокимиятга келган 1999 йилдан бери жўғрофий қамрови жиҳатидан энг катта оммавий намойишлар экани айтилмоқда.

Россия журналистлари ҳуқуқларининг бузилишини мониторинг қилиш марказига кўра, қўлга олинганлар орасида ўнлаб журналист ва ОАВ ходими ҳам бор. Шулардан камида саккизтаси Санкт-Петербургда қўлга олинган.

Кремль ён бермоқчи эмас

Германияда беш ой даволанган Кремль танқидчиси Алексей Навальний 17 январь куни Россияга учиб келганидан кейин ҳибсга олинганди. Навальний ва унинг тарафдорлари айнан Путин буйруғига биноан ФХХ томонидан асабни фалажловчи модда билан заҳарланганини айтиб келмоқда. Ушбу иддаоларни дастаклайдиган далиллар етарли бўлишига қарамай, Кремль, айбларни бўлгани каби, Навальнийни озод этиш талабларини ҳам рад этмоқда.

ЕИ ташқи ишлар мутасаддиси Жозеп Боррель Twitter’да ёзишича, фуқаро ва журналистларга нисбатан “оммавий ҳибсга олишлар ҳамда номутаносиб равишда куч қўлланилганини” қоралаб, расмийларни “Россия ўз зиммасига олган халқаро мажбуриятларни” бажаришга чақирган.

"Путин саройи"га назар

1/20 Россиянинг Геленжик таътил шаҳарчасидан 18 километр нарида жойлашган саройнинг дрондан олинган фотосурати

Коррупцияга қарши курашиб келаётган Алексей Навальнийнинг сўзларига кўра, ушбу объект ва унинг атрофидаги йирик ҳудуд Россия Федерал хавфсизлик хизмати (ФСБ) номига рўйхатга олинган. ФСБ ундан "тадқиқот ва таълим" йўлида фойдаланишини иддао қилмоқда.<br /> — 2/20 Коррупцияга қарши курашиб келаётган Алексей Навальнийнинг сўзларига кўра, ушбу объект ва унинг атрофидаги йирик ҳудуд Россия Федерал хавфсизлик хизмати (ФСБ) номига рўйхатга олинган. ФСБ ундан "тадқиқот ва таълим" йўлида фойдаланишини иддао қилмоқда.

Навальний вертолёт қўниш майдончаси ёнидаги мана бу тепалик остида <a href="https://www.youtube.com/watch?t=2018&v=ipAnwilMncI&feature=youtu.be" target="_blank">хоккей майдончаси</a> яширинганини айтди. — 3/20 Навальний вертолёт қўниш майдончаси ёнидаги мана бу тепалик остида хоккей майдончаси яширинганини айтди.

Навальнийнинг сўзларига кўра, унинг жамоаси мазкур объектнинг яширин <a href="http://youtu.be/ipAnwilMncI?t=3255" target="_blank">қурилиш режаларини</a> қўлга киритган. Қурилиш режасида тасвирдаги жисм "аква дискотекаси" деб номланган. — 4/20 Навальнийнинг сўзларига кўра, унинг жамоаси мазкур объектнинг яширин қурилиш режаларини қўлга киритган. Қурилиш режасида тасвирдаги жисм "аква дискотекаси" деб номланган.

5/20 Қайта таъмирланаётган амфитеатр. Денгиз соҳилидаги ушбу кўчмас мулк сўнгги 15 йилдан бери қурилмоқда, таъмирлаш ишлари ҳануз давом этмоқда.

6/20 Ҳаводан олинган мана бу суратда вертолёт қўниш майдончаси ёнида хоккей майдончасини яшириб туриши айтилаётган тепаликни кўриш мумкин. Эгри йўл бўйлаб жойлашган кичик иморатларда кўп сонли қурувчилар яшаши айтилмоқда. Навальний жамоаси дрон ёрдамида олган суратларда объектда ишлаётган қурувчиларни кўриш мумкин.

7/20 Комплексда яшил кафель билан ишланган черков жойлашган. Навальний комплексни Россиядаги энг "махфий ва энг қаттиқ муҳофаза қилинадиган иншоот" деб атади.

Бу иншоот эса иссиқхона эканлигини тахмин қилинмоқда.<br />
<br />
Комплекс устидан учиб ўтиш тақиқланган. Қолаверса, сарой ёнидан сузиб ўтаётган қайиқлар камида бир денгиз мили (1,8 километр) <a href="http://youtu.be/ipAnwilMncI?t=2300" target="_blank">масофа сақлашлари</a> шарт.<br />
<br />
<br /> — 8/20 Бу иншоот эса иссиқхона эканлигини тахмин қилинмоқда.

Комплекс устидан учиб ўтиш тақиқланган. Қолаверса, сарой ёнидан сузиб ўтаётган қайиқлар камида бир денгиз мили (1,8 километр) масофа сақлашлари шарт.

Саройдан ўн километр нарида мана бу узумзор жойлашган бўлиб, сурат ўртасидаги қаср Путинга яқин шахсларга тегишли экани айтилмоқда.<br /> — 9/20 Саройдан ўн километр нарида мана бу узумзор жойлашган бўлиб, сурат ўртасидаги қаср Путинга яқин шахсларга тегишли экани айтилмоқда.

10/20 Шароб ишлаб чиқариш учун яратилган узумзор. Расм чапида қасрни кўриш мумкин. Ушбу узумзорда етиштирилган узумдан тайёрланган шароб Кремлнинг расмий тадбирларида тортиқ қилинади.

11/20 Навальний жамоаси Қора денгиз бўйидаги комплекснинг дрон суратларини олиш билан бир қаторда қаср ичининг рақамли тасвирларини ҳам яратди. Тасвирлар бинонинг сиздирилган режалари ва комплекс учун буюртма қилинган итальян мебель тасвирларига асосланган.

12/20 Бу эса бино режаларида кўрсатилган театрнинг рақамли тасвиридир. Навальний сарой ва унинг хоналари акс этган тасвирлар аслидан фарқ қилиши мумкинлигини тан олди.

13/20 Сарой театридаги ўриндиқларнинг рақамли тасвири.

Қаср ичининг мана бу тасвири ишчилар уни қуриш пайтида олган <a href="http://www.facebook.com/photo/?fbid=4393896607293885&set=pcb.4393903050626574" target="_blank">фотосуратлар</a> <a href="http://www.facebook.com/photo/?fbid=4393896607293885&set=pcb.4393903050626574" target="_blank">асоси</a>да яратилган.<br /> — 14/20 Қаср ичининг мана бу тасвири ишчилар уни қуриш пайтида олган фотосуратлар асосида яратилган.

15/20 Саройдаги мармар билан қопланган барнинг тасвири. Хабарларга кўра, комплексдаги мебелларнинг аксарияти Италиянинг люкс брендларидан олинган. Бу ширкатлар маҳсулотлари шунчалик эксклюзивки, уларнинг каталоглари бўлажак мижозлар томонидан шахсан буюртма қилиниши керак.

16/20 Ушбу тасвирда саройдаги рақс устуни ўрнатилган хона акс этган.

17/20 Сарой режаларида кўрсатилган казинонинг рақамли тасвири.

18/20 Путин шахсан ўзи фойдаланиши иддао қилинаётган ётоқнинг тасвири. Рақамли тасвирнинг чап қисмидаги гимнастика ускуналари Путиннинг қаллиғи деб кўриладиган гимнастикачи Алина Кабаевага шама экани айтилмоқда.

Асосий иншоотдан тўққиз километр масофада мана бу иккинчи, янги узумзор барпо этилган. Суриштирув гуруҳи уни дрон билан суратга олишга муваффақ бўлган. 2017 йилнинг декабрь ойида узумзорни қуриш жараёни давомида ўрмон ноқонуний тарзда тозаланганини текширган маҳаллий атроф-муҳитни муҳофаза қилиш фаоли <a href="http://www.reuters.com/article/us-russia-environment-attack/russian-environmental-activist-hospitalized-after-beating-idUSKBN1EN0X4" target="_blank">номаълум одамлар томонидан қаттиқ калтакланган</a> эди.<br /> — 19/20 Асосий иншоотдан тўққиз километр масофада мана бу иккинчи, янги узумзор барпо этилган. Суриштирув гуруҳи уни дрон билан суратга олишга муваффақ бўлган. 2017 йилнинг декабрь ойида узумзорни қуриш жараёни давомида ўрмон ноқонуний тарзда тозаланганини текширган маҳаллий атроф-муҳитни муҳофаза қилиш фаоли номаълум одамлар томонидан қаттиқ калтакланган эди.

Иккинчи узумзор яқинида православ черков жойлашган. Хабарларга кўра, черков Грециядан ғиштма-ғишт импорт қилинган.<br />
<br />
Қора денгиз соҳилидаги улкан комплекс Путин учун қурилгани ҳақидаги иддаоларга жавобан унинг матбуот котиби Дмитрий Песков Навальнийнинг янги тергови тўғрисида билмаслигини таъкидлади.<br />
<br />
Шундай бўлса-да, Песков Россия оммавий ахборот воситаларига: "Мен сизга дарҳол бу эски гап эканини айта оламан. Кўп йиллар олдин Путиннинг Геленжикда саройи йўқлигини айтганмиз", - деди. — 20/20 Иккинчи узумзор яқинида православ черков жойлашган. Хабарларга кўра, черков Грециядан ғиштма-ғишт импорт қилинган.

Қора денгиз соҳилидаги улкан комплекс Путин учун қурилгани ҳақидаги иддаоларга жавобан унинг матбуот котиби Дмитрий Песков Навальнийнинг янги тергови тўғрисида билмаслигини таъкидлади.

Шундай бўлса-да, Песков Россия оммавий ахборот воситаларига: "Мен сизга дарҳол бу эски гап эканини айта оламан. Кўп йиллар олдин Путиннинг Геленжикда саройи йўқлигини айтганмиз", - деди.

АҚШ Давлат котиби Энтони Блинкен ҳам “АҚШ қаторасига икки ҳафтадан бери россиялик расмийлар томонидан тинч намойишчилар ва журналистларга қарши қўлланилаётган аёвсиз тактикани қоралайди” деган ҳамда ўз ҳақларини талаб қилаётганлари учунгина қўлга олинганларни, жумладан Алексей Навальнийни озод қилишга яна бир бор чақирган.

Фирибгарликда айбдор деб топилган Алексей Навальнийга 2014 йилда шартли жазо белгиланган эди. Ҳозирда эса у шартли равишда қамоққа ҳукм қилинган шахс сифатида хориждалик пайти синов муддати шартларини бузганликда айбланмоқда. Бу иш юзасидан суд жараёни 2 февралга белгиланган. Судда у 3,5 йилга озодликдан маҳрум этилиши мумкин.