Обама Европа раҳбарлари билан маслаҳатлашди

АҚШ президенти Барак Обама 24 март куни Британия, Германия ва Франция раҳбарлари билан видео мулоқот ўтказди.

Оқ Уй матбуот котиби Роберт Гиббсга кўра, мулоқот чоғида Эроннинг ядровий дастури, Яқин Шарқ тинчлик жараёни ва глобал иқтисодий масалалар хусусида халқаро ҳамжамият қандай йўл тутиши кераклиги муҳокама қилинган.

АҚШ Эронга нисбатан қаттиқ санкциялар жорий қилиш борасида халқаро ҳамжамият қўллашини қозонишга ҳаракат қилмоқда.