Генерал Собир Раҳимов ҳайкали олиб ташланди

6 январ куни Тошкентнинг собиқ Собир Раҳмов, ҳозирги Олмазор тумани ҳудудидаги генарал Собир Раҳимовнинг ҳайкали олиб ташланди.

Фарғона.ру агентлигига кўра, 1981 йил ўрнатилган тўрт метр баландликдаги ушбу ҳайкални бузишга олтита бульдозер жалб қилинган.

Бу жараён маҳаллий ҳокимлик вакиллари ва милиция ходимлари назоратида амалга оширилган.

Ўтган йилнинг охирида Тошкент шаҳридаги Собир Раҳимов тумани ва шу номдаги метро бекати ўзгартирилиб, Олмазорга алмаштирилган эди.