Москвада Pussy Riot аъзолари устидан суд бошланди

Москванинг Хамовнический судида Pussy Riot панк-гуруҳи аъзолари устидан маҳкама эшитувлари бошланди.

Надежда Толоконникова, Мария Алехина ва Екатерина Самуцевич безориликда айбланмоқда.

Ғайриоддий чиқишлари билан Россияда ном қозонган Pussy Riot мусиқий панк-гуруҳи 21 феврал куни Россияда марказий саналган Москвадаги Исо Масиҳ ибодатхонасида “мусиқйи намойиш” уюштирган ва “Худойим, Путинни ҳайдаб юбор!” дея куйлашганди.

Уларга етти йилгача бўлган қамоқ жазоси тайинланиши мумкинлиги айтилмоқда.