Суданда учоқ ҳалокатидан ўттиздан ортиқ одам нобуд бўлди

Франс Пресс агентлигига кўра, бортида ҳукумат делегацияси бўлган учоқ Талоди шаҳри яқинида қулаган.

Ҳалок бўлганлар орасида бир қанча суданлик вазир, жумладан мамлакат таъминот вазири Ҳалил Абдулла ҳамда диний ишлар бўйича вазир Ғози ал Содиқ ҳам бор.

Улар Талоди шаҳрида Рамазон байрами тадбирларида қатнашиш учун йўлга чиқишганди.

Ҳалокат сабаблари ўрганилмоқда.