Ўзбекистон сил касаллигига қарши 50 миллион доллар ажратади

Ўзбекистон ҳукумати 2012-2015 йилларда сил касаллаигига қарши курашиш учун 50 миллион доллар ажратади.

Бу ҳақда Ўзбекистон Соғлиқни сақлаш вазирлиги расмийлари маълум қилишди.

Янги дастур доирасида сил касаллиги профилактикаси ва ушбу касаликка чалинган беморларни даволашни такомиллаштириш, касалхоналарни лозим анжомлар билан таъминлаш ва врачлар малакасини ошириш кўзда тутилмоқда.

Дастур давлат бюджети ҳамда чет эл грантлари асосида молияланиши айтилмоқда.