Мадридда Хэллоуин маросимида уч аёл тиқилинчдан ўлди

Испания пойтахти Мадридда Хэллоуин маросимида тиқилинчдан уч аёл ҳалок бўлди.
Яна икки аёл оғир аҳволда касалхонага ётқизилди. “Мадрид Арена” ўйингоҳида бўлган бу ҳодиса ҳақида расмийлар изоҳ беришмади.

Гувоҳларга кўра, ўн минг томошабинни сиғдирган ўйингоҳнинг фақат битта дарвозаси очиқ бўлган, шунинг учун маросим тугаганидан сўнг тиқилинч юзага келган.

Нима учун ўйингоҳнинг барча дарвозалари томошабинлар учун очиб берилмагани борасида “Мадрид Арена” раҳбариятидан ҳозирча изоҳ бўлмади.