Қобулда портлашдан бир одам нобуд бўлди

Афғонистон пойтахти Қобулда бугун ҳудкуш ҳужумчи ўзини портлатди.

Полицияга кўра, АҚШ ҳарбий базаси яқинида содир этилган портлашдан камида бир одам нобуд бўлган, икки афғон ҳарбийси яраланган.

Портлашга толибон гуруҳи жавобгарликни зиммасига олди. Портлаш Қобулнинг мартабали афғон ҳарбийлари яшайдиган, халқаро ташкилот ва коалиция кучлари идоралари жойлашган мавзесида рўй берди.