2012 йил спорт соҳаси учун и энг муракаб ва воқеаларга бой йил бўлди. Тарих саҳифаларида қолаётган йилда бўлиб ўтган Лондон олимпиадаси, Паралимпиада ўйинлари, Евро -12 футбол чемпионати спорт ишқибозларининг хотирасида бир умр муҳрланиб қолади деб ўйлаймиз. Қуйида 2012 йилда спорт оламида энг муҳим ва қизиқ воқеалар акс этган фотосуратларни кўришингиз мумкин.
Спорт-2012: Ёрқин ва энг қизиқ дақиқалар
1
Швейцарияда ўтган Сноуборд бўйича жаҳон кубогининг аёллар ўртасидаги мусобақаси 22 январ куни бўлиб ўтди. Бу мусобақада АҚШлик Линдси Якобеллис ғолиб бўлган эди. (epa/Jean-Christophe Bott)
2
Барселона футбол жамоаси ҳужумчиси Лионел Месси Испания чемпионати доирасида январ ойида Малаги жамаоси билан ўтказилган ўйин чоғида урган голини мана шундай эҳтирос билан нишонлади.
3
30 январда Сербиялик Новак Жокович теннис бўйича Австралия очиқ чемпионатида испаниялик Рафаэл Надал устидан ғалаба қозонди. (epa/Masr Irham)
4
Надал бир неча ой ўтгач Жоковичдан ўз мағлубияти учун ўч олди. У 11 июнда Францияда ўтган еттинчи очиқ чемпиоантда Жоковични енгди. (Reuters/Benoit Tessier)