Линклар

Шошилинч хабар
29 март 2024, Тошкент вақти: 19:30

Брюссел аэропортидан 50 миллион долларлик олмос ўғирланди


Қуролланган 8 киши Брюссел аэропортидан 50 миллион долларга баҳоланаётган олмосни ўғирлади.

Аэропорт матбуот вакилининг айтишича, душанба оқшом ўғрилар аэропорт биносининг хавфсизлик деворидан туйнук очиб, иккита автомобилда ичкарига кирган ҳамда олмослар солинган контейнерлар ортилаётган самолётга ҳужум қилган.

Сўнгги хабарларга кўра, полиция кийимида бўлган 8 жиноятчи бир неча дақиқа ичида тарихдаги энг йирик ўғирликни содир этган ва ғойиб бўлган.

Брюссел прокурори матбуот котиби Аня Бийненсга кўра, полиция кейинроқ аэропорт тўсиқлари ёнида ёндириб юборилган автомобилни топган.

Antwerp World Diamond Center матбуот вакилининг AFP агентлигига айтишича, бу инсоният тарихидаги энг катта олмос ўғирлигидир.

Муҳими, жиноят содир этилаётган чоғда бирорта ўқ узилмаган ва ҳеч ким жароҳатланмаган.
XS
SM
MD
LG