Толибон Кобул аэропорти яқинида ҳужум уюштирди
Душанба куни эрталаб толиблар Афғонистон пойтахти Кобулдаги аэропорт яқинида ҳужум уюштирдилар. Афғонистон Ички ишлар вазирлиги матбуот котиби Содиқ Содиқий камида беш нафар тиш-тирноғигача қуролларган жанггари хавфсизлик кучлари билан отишмага киришгани ҳақида билдирди. Вазирлик расмийси ҳозиргача уч жанггари ўлдирилгани, яна шунча жанггари қурилаётган бино ичида эканини айтди. У полиция ва фуқаролардан қурбон берилмаганини қўшимча қилди.