АҚШ президенти Барак Обама Америка ва бутун дунёдаги мусулмон аҳлини муқаддас Рамазон ойининг бошланиши билан қутлади.
Ўз табригида Обама АҚШда мусулмонларнинг таълим сохаси ривожига қўшаётган ҳиссаси, ҳайрия ишларини тилга олди.
Рамазон ойи 28 июндан бошланиб бир ой давом этади. Мусулмонлар бир ой давомида Рўза тутиб, ибодат қилишади.
АҚШ президенти Барак Обама бу йил ҳам Оқ уйда мусулмон жамоасига ифтор беришини айтди.
