Миср Президенти Абдул Фаттоҳ Ал-Сиси 22 нафар чегарачи қурбон бўлган ҳужум “жавобсиз қолмаслиги”ни таъкидлади.
19 июль куни Ливия билан чегарадаги постга уюштирилган ҳужумда Мисрнинг 22 сарҳадчиси ҳалок бўлган.
20 июль куни сўзлаган президент Ал-Сиси “террорчилар Мисрнинг ҳар бурчагида таг-томири билан йўқ қилиниши”ни урғулади.
Чегарачилар қурбон бўлгани муносабати билан мамлакатда уч кунлик мотам эълон қилинди.
Хабарларга кўра, 19 июль кунги тўқнашувда ҳужум қилганлардан икки нафари ўлган.