Бишкекда сўнгги 20 йил ичида биринчи марта Ўзбекистон маданият куни ўтказилди. Ўзбекистоннинг Қирғизистондаги элчихонаси томонидан уюштирилган тадбир Бишкекдаги “Манас” қирғиз-турк университетида бўлиб ўтди. Тадбир доирасида “Алишер Навоий” ҳамда “Тоҳир ва Зуҳра” бадиий фильмлари намойиш этилди. Шунингдек, ўзбек адабиётининг классиклари китоблари, миллий кийимлар, газламалар ва тасвирий санъат асарлари кўргазмаси уюштирилди.