Тожикистоннинг Тоғли Бадахшон вилояти Важ тумани ва Рашт водийсида сув тошқинлари камида етти одам умрига зомин бўлди.
Етмишдан ортиқ уй табиий офат оқибатида вайрон бўлди. Вилоят буткул электр таъминотисиз қолди.
Иккита йирик электр станция фаолияти тўхтаган.
Тожикистон Бош вазири Қоҳир Расулзода табиий офат келтирган зарар кўлами 50 миллион АҚШ долларидан ошишини билдирди.
