АҚШ давлат котибининг Марказий Осиё давлатлари бўйича ёрдамчиси ўринбосари Даниэл Розенблюм 9 апрель куни Тошкентга қилган сафари чоғида Ўзбекистон ташқи ишлар вазири Абдулазиз Комилов билан музокаралар ўтказди.
Ўзбекистон ташқи ишлар вазирлигининг билдиришича, сўзлашувларда икки тарафлама алоқалар истиқболи, Вашингтонда январь ойида ўтказилган АҚШ-Ўзбекистон музокаралари натижалари мухокама қилинган.
Ўзбекистон АҚШнинг терроризмга қарши курашда муҳим иттифоқичиси саналади.
Айни пайтда инсон ҳуқуқ ҳимоячилари Вашингтон ҳукуматини Ўзбекистон расмийлари билан мулоқотлар чоғида инсон ҳуқуқларини яхшилаш ва сиёсий маҳкумларни озод этиш борасида босим ўтказишга чақириб келади.
