АҚШ Давлат котиби Жон Керри олдиндан эълон этилмаган ташриф билан 9 апрель куни Афғонистонга келди.
Керрининг Кобулга сафари президент Ашраф Ғани ва Абдулла Абдулла етакчилигидаги миллий бирлик ҳукуматида зиддият кучайган бир пайтга тўғри келмоқда.
Керри Кобулда Ғани ва Абдулла билан учрашади.
Жон Керри ўз ташрифи давомида толибон жанггариларига қарши курашаётган афғон ҳукумати ва хавфсизлик кучларига АҚШ ёрдамларини ошириш масаласига урғу бериши кутиляпти.
2017 йилга бориб Афғонистонда АҚШ кучлари сони ҳозиргидан икки бараварга камаяди.
Ҳозирда Афғонистонда 9,800 АҚШ ҳарбийси бор.
