Andijon viloyatining Asaka tumanidagi Mehnatobod mahallasida istiqomat qiladigan 60 yashar Avazbek Toshmamatov OzodMikrofon ga qo‘ng‘iroq qilib, qishloq maktabining juda ham xarbo ahvolda ekanligidan arz qildi. Avazbek akaning aytishicha, o‘tgan asrning 70-yilida odamlar yashashi uchun qurilgan uylar, o‘shanda maktabga aylantirilgan va hozirga qadar 49-umumta’lim maktabining qariyb 400 nafar o‘quvchilari ikki smenada o‘qib keladi. Ota-onalarning yangi maktab qurib berish haqidagi iltimoslari esa inobatga olinmayapti.
