Lotin

Tramp muhojirlik to‘g‘risidagi qarorini o‘zgartirishi kutilmoqda

AQSh prezidenti Donald Tramp asosan musulmonlar yashaydigan oltita davlatdan kelayotgan muhojirlarni Qo‘shma Shtatlarga kiritmaslik qarorini o‘zgaritishi kutilmoqda. Buning o‘rniga u AQShning ekstremistlar bo‘yicha talablarini bajarmagan davlatlarni mo‘ljalga oluvchi yangi qaror imzolaydi.

Eron AQSh ogohlantiruviga qaramay ballistik raketa sinovini o‘tkazdi

Eron rasmiylari yangi ballistik raketani muvaffaqiyatli sinovdan o‘tkazganini ma’lum qildi. AQSh ma’muriyati rasmiy Tehronni yadro quroli bo‘yicha tuzilgan ko‘p tomonlama bitimdan chiqishi mumkinligi xususida ogohlantirgan edi.

Andijon hokimi: Talaba, o‘qituvchi va shifokorlarning dalaga chiqarilishi jinoyat!

Andijon viloyati hokimi Shuhratbek Abdurahmonov 22 sentabr kuni viloyat hokimligida o‘tkazilgan majlisda maktab va kollej o‘qituvchilari, o‘quvchi va talabalari hamda tibbiyot xodimlarining dala mehnatiga jalb etilishi jinoyat ekani, bunday xol aniqlangan taqdirda xodimlarni dalaga chiqargan rahbarlar nafaqat lavozimidan ayrilishi, balki jinoiy javobgarlikka tortilishi haqda ogohlantirdi.

Toshkentdagi yana bir bog‘ “xorijiy investor”ga berildi¸ tadbirkorlar norozi

Toshkentliklar orasida mashhur Mirzo Ulug‘bek nomidagi madaniyat va istirohat bog‘i shahar hokimi qarori bilan xorijlik deb aytilaëtgan investorga 49 yilga ijaraga berildi. Toshkentdagi yana bir so‘lim va gavjum bog‘ning mahalliy tadbirkorlardan tortib olinib¸ shaffof bo‘lmagan tarzda yangi investorga berilishi ortidan ishsiz qolayotgan 40 dan oshiq tadbirkor va ularning ishchilari Ozodlik orqali prezident Mirziyoevga murojaat qilib¸ bu jarayonni to‘xtatishni so‘radi.

Kalashnikovga o‘rnatilgan haykal poyidan Gitler armiyasi quroli topildi (VIDEO)

Moskva markazida mashhur rus qurolsozi Mixail Kalashnikov xotirasiga o‘rnatilib, bir necha kun oldin tantanali ochilgan yodgorlik majmuasi tarkibiga kiruvchi bronza taxta olib tashlanadigan bo‘ldi. Bronza lavhning “AK-47” avtomatiga bag‘ishlangan qismida mahalliy bloger-tarixchilar gitlerchilarning StG-44 hujum vintovkasi chizmasi tasvirlanganini aniqladi. Monument muallifi, haykaltarosh Salavat Shcherbakov nemis quroli chizmasi Internetdan ko‘chirib olinganini tan oldi.

Shia mazhabidagi buxorolik yigit diniy ekstremizmda ayblanib ishi sudga oshirildi

Buxoro shahrida yakka tadbirkorlik bilan shug‘ullanadigan shia mazhabidagi 34 yashar Jahongir Qulijonov «dinlararo nizo qo‘zg‘atuvchi diniy adabiyotlarni» tarqatishda ayblanib, ishi sudga oshirildi. Ayblov xulosasiga ko‘ra¸ Jahongir Qulijonov Vazirlar mahkamasi huzuridagi Din ishlari qo‘mitasi tasdig‘idan o‘tgan 114 ta shia mazhabiga oid adabiyotlar ro‘yxatiga kirmagan kitobni o‘qigan va ikki nafar shia mahabidagi yaqinlariga tarqatgan.

Qrimda separatchilikda ayblangan jurnalist ustidan hukm o‘qildi

Rossiya tomonidan anneksiya qilingan Qrimdagi Simferopol shahar, Jeleznodorojniy tuman sudida Rossiyaning hududiy yaxlitligiga omma orasida chaqiriqlar qilganlikda ayblangan jurnalist Nikolay Semena ustidan hukm o‘qildi.

Shimoliy Koreya yetakchisi: Tramp o‘z tahdidlari uchun javob beradi

Talabalar paxtadan shoshilinch ravishda qaytarilmoqda

O‘zbekistondagi barcha bilim yurtlarining paxtaga jalb qilingan talabalari va o‘qituvchilari 22 sentyabr kuni shoshilinch ravishda ortga qaytarildi. Bir kun avval O‘zbekiston Bosh vaziri Abdulla Aripov paxtaga jalb qilingan talabalar, o‘qituvchilar va tibbiyot xodimlarini 22 sentabr, soat 17:00 ga qadar ortga qaytarish bo‘yicha topshiriq bergani to‘g‘risida kun.uz sayti o‘zining “ishonchli manbasiga” tayanib xabar qilgan edi.

OzodDayjest: Tilshunos olim O‘zbekistonda ikki alifbo amal qilayotganini uyatli hol deb atadi

Prokuratura chorvachilik bo‘yicha qo‘shib yozishlarni fosh qildi. O‘zbek tili va adabiyoti universiteti dotsenti dunyo tajribasida biror davlat boshqa alifboga o‘tishni O‘zbekiston kabi uzoqqa cho‘zmaganini urg‘uladi. O‘zbekistonda chaqaloq sotish bilan bog‘liq jinoyatlar soni oshdi. Joriy hafta matbuot shu kabi voqealar haqida xabar berdi.

OzodDayjest: Toshkentda yotoqxona berilmagani tufayli ayrim talabalar ko‘chada qolayapti

Poytaxtda yotoqxona berilmagani bois ayrim viloyatlik talabalar ko‘chada qolmoqda. “Afrosiyob” poezdining oynasini sindirgan zangiotalik jarimaga tortildi. O‘zbek shou biznesining mashhur vakillari plagiatorlikda ayblandi.