Миср собиқ президенти Ҳусни Муборак олти йиллик ҳибсдан сўнг озодликка чиқарилди.
Муборак адвокатининг айтишича¸ собиқ президент 24 март куни Қоҳира жанубидаги ҳарбий госпиталдан чиқиб¸ пойтахтнинг Ҳелиополис қисмидаги ўз уйига келган.
Муборак¸ жорий ой бошида маҳкама унга қўйилган коррупция ва қотиллик билан боғлиқ қатор оғир айбларнинг сўнггисини олиб ташлаганидан сўнг¸ озодликка чиқарилди.
Мисрни 30 йил давомида қаттиққўллик билан бошқарган Муборак 2011 йилги араб баҳори қўзғолони оқибатида ҳокимиятдан ағдарилган эди.
Ҳокимиятдан кетганидан икки ой ўтиб¸ Муборак қатор оғир жиноятларда айбланган ва ўшандан бери Қоҳирадаги ҳарбий госпиталда ҳибсда сақланаëтган эди.
Муборакнинг ағдарилиши Мисрда демократия тантанаси сифатида талқин этилган¸ аммо ундан сўнг ҳокимиятга исломчиларнинг келиши¸ мамлакатда кенг кўламли норозиликларга сабаб бўлган ва генерал ал-Сисийнинг сайланган президент Муҳаммад Мурсийни ағдариши билан тугаган эди.