Линклар

Президент Мирзиёев тиббий таълим тизимини ислоҳ қилишга қарор қилди


Ўзбекистон президенти Мирзиёев "Ўзбекистон Республикасида тиббий таълим тизимини янада ислоҳ қилиш чора-тадбирлари тўғрисида"ги қарорни имзолади.

Президент матбуот хизматининг хабар қилишича, мазкур ҳужжат тиббий таълим сифатини янада ошириш, олий ва ўрта-махсус, касб-ҳунар босқичиқдаги тиббий таълим тизимини замонавий стандартларга кўтариш, тиббий хизмат даражасини ошириш мақсадида қабул қилинган.

Sputnik нашрининг ёзишича, ҳужжатда олий тоифали кадрларни магистратурада тор мутахассисликлар бўйича 2-3 йиллик таълим давомида, клиник ординатура мутахассислиги бўйича эса 2 йиллик таълим давомида малака ошириш ва қайта тайёрлаш кўзда тутилган.

Бундан ташқари, гуманитар ва ижтимоий-иқтисодий блоклар бўйича ўқув соатларини жами ўқув вақтининг 7 фоизигача қисқартириш ҳисобига, клиникагача бўлган ва клиник блоклар бўйича ўқув соатларини жами ўқув вақтининг 85 фоизигача етказиш режаланган.

Ушбу хабарга илова қилинишича, Шавкат Мирзиёевнинг Виртуал қабулхонасига 2017-йил 1-майга қадар тиббиёт соҳасига тааллуқли 25 мингга яқин мурожаат тушган. Улар ўрганилганда, баъзилар саломатлигини яхшилаш учун тиббий кўмак сўрагани, айримлар тиббиёт ходимларининг муомала маданиятидан ранжиб шикоят йўллагани аниқланган.

XS
SM
MD
LG