Линклар

Ўзбекистон олтин ишлаб чиқариш бўйича дунёда 10-ўринни эгаллайди, олтин захираси бўйича эса 9-ўринда. Бу ҳақда кун.уз нашри Навоий кон-металлургия комбинати директорининг иқтисод бўйича ўринбосари Нурмат Жўлибековнинг айтганларига таяниб хабар қилди.

12 май куни Тошкент шаҳридаги Миллий матбуот марказида Навоий кон-металлургия комбинати вакиллари ўтказган матбуот анжуманида комбинатда 2026 йилгача қимматбаҳо металлар ишлаб чиқаришни кўпайтириш дастурларининг амалга оширилиши, кўзда тутилган модернизация тадбирлари, истиқболли лойиҳалар ҳақида маълумот берилди.

Маълум бўлишича, Навоий кон-металлургия комбинатида қарийб 60 минг ишчи-хизматчи меҳнат қилади.

“Президент Шавкат Мирзиёев томонидан тасдиқланган 2017-2026 йилларда комбинатни ривожлантириш дастурлари яқин 10 йилда тарихий аҳамиятга эга лойиҳаларни амалга оширишни белгилаб берди. 2017-2026 йилларда 3 миллиард 63 миллион долларлик 27 лойиҳанинг амалга оширилиши комбинатда маҳсулот ишлаб чиқариш ҳажмини 30 фоизга ошириб, 31 мингга яқин янги иш ўринларининг яратилишига хизмат қилади”, дейилган хабарда.

XS
SM
MD
LG