Линклар

Тижорат банклари капиталида давлат улуши 500 млн. долларга ошадиган бўлди


Ўзбекистондаги тижорат банклари устав капиталидаги давлат улуши ярим миллиард АҚШ долларига ошириладиган бўлди.

Президент Шавкат Мирзиёев 16 июнда имзолаган "Тижорат банклари молиявий барқарорлиги ва капитали даражасини оширига қаратилган қўшимча чора-тадбирлар тўғрисида"ги 3066-қарорида 500 миллион доллар қийматидаги бу маблағ Ўзбекистон тикланиш ва тараққиёт банкидан олиниши айтилган.

Тижорат банклари бу маблағдан вилоятларда тадбиркорлик субъектларини қўллаш учун 2017—2018 йилларга режаланган аниқ ижтимоий-иқтисодий дастурлар учун фойдаланиши керак.

Тадбиркорларни қўллаётган тижорат банклари ликвидлик бўйича кескин дефицитга учраган пайтларда уларга 3 ойлик кредит ажратиш механизмини ишлаб чиқиш вазифаси Ўзбекистон Марказий банкига топширилди.

Бундан ташқари, Марказий банк зиммасига тижорат банкларини оталиққа олиш вазифаси ҳам юкланди.

XS
SM
MD
LG