Линклар

Мирзиëев мева-сабзавот экспортидаги "Ўзагроэкспорт" монополиясини бекор қилди


Президент Шавкат Мирзиëев 21 июнь куни имзолаган қарорга мувофиқ¸ жорий йилнинг 1 июлидан бошлаб “тадбиркорлик субъектларига янги мева-сабзавот, узум ва полиз маҳсулотлари ҳақини олдиндан 100 фоиз тўлаш шарти билан тўғридан-тўғри шартномалар асосида экспорт қилишга рухсат этилади”ган бўлди.

Бундай экспортчи чет элга валютада сотадиган мева-сабзавоти нархини махсус эксперт комиссияси қарори асосида белгилайди ва ундан кўзда тутилган солиқ тўлайди.

Мирзиëевнинг 2016 йил 20 сентябрда чиқарган фармонига мувофиқ¸ ўзбекистонлик мева-сабзавот экспортёрлари давлатга валюта тушумининг 25 фоизини сотиши шарт.

Расмий шарҳга кўра¸ 21 июнь кунги қарордан кўзланган мақсад мева-сабзавот маҳсулотлари экспорти соҳасидаги салоҳиятни тўлиқ ишга солиш ва мева-сабзавот ишлаб чиқарувчиларининг ўз маҳсулотини бевосита экспорт қилиши йўлидаги бюрократик тўсиқларни олиб ташлашдан иборат.

Расмий шарҳда¸ 21 июнь кунги қарор билан президентнинг мева-сабзавот маҳсулотлари экспорти соҳасидаги “Ўзагроэкспорт” АЖ монополиясини бекор қилгани таъкидланади.

XS
SM
MD
LG