Линклар

ХВЖ миссияси Ўзбекистон ҳукуматининг иқтисодий ислоҳотлар режасини қувватлади


Бош қароргоҳи Вашингтонда жойлашган Халқаро валюта жамғармаси (ХВЖ) миссиясининг 17-24 июль кунлари Ўзбекистонга қилган сафари давомида¸ жамғарма расмий баëнотига кўра¸Тошкент расмийларининг иқтисодий ислоҳотлар режаси муҳокама қилинган.

«Миссия расмий идораларнинг президент Шавкат Мирзиëев томонидан маъқулланган «2017-2021 йилларда Ўзбекистон Республикасини янада ривожлантириш бўйича Ҳаракатлар стратегияси»га асосланган иқтисодни ислоҳ қилиш комплекс чора-тадбирларини қониқиш билан қабул қилди. Бу режаларнинг ўз вақтида¸ самарали ижроси иқтисоднинг сифатли иш ўринлари яратиш қурбини сезиларли равишда оширади ва унинг мунтазам ўсишини таъминлайди»¸ дейилади ХВЖ эълон қилган расмий баëнотда.

Жамғарма миссияси¸ Ўзбекистон ҳукуматининг валюта тизимини ислоҳ қилишга оид бирламчи ишлар режасини ҳам қониқиш билан қабул қилган ва бу жараëнни қўллаб-қувватлаш учун қўшимча техник ëрдам ва тавсиялар беришга тайëрлигини билдирган.

Ўзбекистон ҳукумати ва ХВЖ мутахассислари жамғарма Низомининг IV банди бўйича навбатдаги маслаҳатлашувнинг жорий йил кузида ўтказилиши бўйича ҳам келишувга эришган.

XS
SM
MD
LG