30 oktabr kuni O‘zbekiston Respublikasi bosh vaziri Abdulla Aripov o‘tkazgan yig‘ilishda paxta terimi vaqtida amalga oshirilgan qo‘shib yozishlar fosh qilindi. Natijada, Toshkent va Jizzax viloyati hokimlari qo‘shib yozishga yo‘l qo‘yilgani uchun ishdan olindi. Xorazm viloyati hokimi hamda Qoraqalpog‘iston Respublikasi rahbari jiddiy ogohlantirildi. Xorazm va Navoiy viloyatlari hamda Qoraqalpog‘iston Respublikasi paxta rejasini bajargani yolg‘on bo‘lib chiqdi.
Bu holat bir necha kundan keyin 100 yillik yubileyi nishonlanadigan Sharof Rashidov davridagi qo‘shib yozishlarni yodga soldi. OzodNazarning bugungi mehmoni, publitsist Sharof Ubaydullaevning fikricha, Rashidov davridagi qo‘shib yozishlar bilan bugungi qo‘shib yozishlar o‘rtasida farq bor.
