Тошкент вилоятидаги Чимён- Чорвоқ дам олиш зонасида 100 миллион АҚШ доллари миқдоридаги лойиҳа асосида эркин туристик зона ташкил қилинади.
Бу ҳақдаги махсус қарор президент Мирзиёев томонидан имзоланди.
Режага кўра, бу ерда янги замонавий меҳмонхоналар, маданий-соғломлаштириш, савдо-кўнгилочар мажмуалари қурилади.
Фармонда ҳудудга қатновчи транспорт тизимини ҳам яхшилаш кўрсатилган.
Бир ой муддат ичида янги эркин туристик зона чегараларини аниқлаб олиш белгиланган.
Кейинги пайтда Чорвоқ оромгоҳидаги шароитлардан норозилик шикоятлари кўпаётган эди.
