Линклар

Шошилинч хабар
16 октябр 2018, Тошкент вақти: 02:22

Ўзбекистонда корхоналар учун табиий газ нархи 4 баробарга кўтарилди


Ўзбекистонда 2018 йил 1 январдан тадбиркорлар фойдаланилган табиий газ учун тўловларни янги тарифлар бўйича амалга оширади. Бу ҳақда «Ўзтрансгаз» АЖ га таяниб, Kun.uz хабар қилди.

«Ўзтрансгаз» Акциядорлик жамияти шуни маълум қиладики, Ўзбекистон Республикаси Вазирлар Маҳкамасининг 2017 йил 28 декабрдаги «Табиий газ ва электр энергияси етказиб бериш ва реализация қилиш тизимини янада такомиллаштириш чора-тадбирлари тўғрисида»ги 1025-сонли қарорига мувофиқ истеъмолчиларнинг айрим тоифаларига 2018 йилнинг 1 январидан бошлаб табиий газ учун оширилган тарифлар белгиланди», дейилган хабарда.

Эндиликда, пиширилган ғишт, асфальт, цемент ишлаб чиқарувчи, гипс ва оҳактош қазиб олиб, қайта ишловчи, бетон ва темир-бетон ишлаб чиқарувчи корхоналар, иссиқхона ва иссиқхона-парник хўжаликлари, чинни ва фаянсдан буюмлар ишлаб чиқарувчи корхоналар, гипс-картон, йўлакбош ва керамика плиталари, брусчаткалар, керамик ва цемент-қум черепицалар, қуруқ қурилиш аралашмалари, шунингдек, қувур буюмлари ишлаб чиқарувчи корхоналар, муайян хизматлар кўрсатувчи ресторанлар, кафелар ва бошқа умумий овқатланиш объектлари (меҳмонхоналар ва уларга тегишли бўлган объектлар бундан мустасно)га табиий газ тўлови 1 куб.м учун 1000 сўм этиб белгиланди.

Маълумот учун, бунгача, 2017 йилнинг 15 июлидан эътиборан истеъмолчи ташкилотлар учун 1 куб.м табиий газ нархи 263,4 сўм эди. Шу тариқа, нархлар табиий газ учун қарийб 4 баравар ошмоқда.

Эндиликда, рўйхатда санаб ўтилган ишлаб чиқарувчилар харажатлар ошишига мос равишда маҳсулотлар нархини ҳам кескин кўтаришини кутиш мумкин.

Ҳозирча аҳолига етказиб бериладиган табиий газ тарифлари оширилгани ҳақида маълум эмас. Охирги марта, ўтган йилнинг ёзида аҳолига бериладиган табиий газнинг 1 кубометри ҳисоблагич бўлган ҳолда 246,1 сўмдан 263,4 сўмга ошганди.

Шунингдек, бугундан Ўзбекистонда электр учун тўловларнинг янгича тарифлари жорий этилиши кутилмоқда.

XS
SM
MD
LG