АҚШ президенти Дональд Трамп навбатдаги жаҳон иқтисодий форумида иштирок этиш учун Швейцариянинг Давос шаҳрига борди.
Оқ уйнинг билдиришича, Трамп ўз ташрифи давомида АҚШ бизнесини тарғиб қилади.
Президент 25 январь куни бир неча учрашув ўтказиши кутилмоқда. Жумладан, Трамп Буюк Британия бош вазири Тереза Мэй ҳамда Исроил бош вазири Беньямин Нетаньяҳу билан учрашади.
Трамп 26 январь куни Вашингтонга отланишидан аввал нутқ сўзлайди.
24 январь куни мингдан ошиқ одам Цюрих шаҳрида Трампнинг Швейцарияга ташрифига қарши намойишга чиқди.
