Ўзбекистон президенти Шавкат Мирзиёев Самарқанд шаҳрида ўтказилаётган Наврўз байрамига етиб борди.
Бу ҳақда хабар қилган kun.uz нашрига кўра, шаҳардаги асосий байрам Алишер Навоий номидаги марказий истироҳат боғида ўтказилмоқда.
Давлат раҳбари байрам тадбирларида вилоят жамоатчилиги, нуронийлар, ишлаб чиқариш фаоллари, ёшлар билан суҳбатлашиб, барчани байрам билан яна бир бор табриклади. Самимий суҳбат чоғида мамлакатимиздаги ислоҳотлар, одамлар ҳаётидаги ўзгаришлар ҳақида сўз борди.
Бугун Самарқандга Қозоғистон президенти Нурсултон Назарбоев ҳам келиб, байрам тадбирларида меҳмон бўлиши кутилмоқда.