Линклар

Шошилинч хабар
05 июн 2020, Тошкент вақти: 18:07

Ўзбекистонда ҳисбга олинган АҚШ фуқароси Зокир Алиев олти кун ўтиб озод этилди


Зокир Алиев

16 июнда Қашқардарё вилоятида терроризмда айбланиб ҳибсга олинган АҚШ фуқароси Зокир Алиев олти кун ўтиб, 22 июнда тушликдан кейин озод этилди.

Зокир Алиевнинг озод этилгани ҳақида унинг яқинлари ва адвокати Озодлик мобиль мухбирига маълум қилганлар.

Ҳозир АҚШ фуқароси бўлган асли чироқчилик Зокир Алиев Президент Мирзиёев четдаги ўзбекларни ватанга қайтишга чорлаганига ишониб Ўзбекистонга қайтганди.

Ўзбекистон Давлат хавфсизлик хизматининг миллий агентликка билдиришича¸ 2014 йили АҚШ фуқаролигини олган Зокир Алиев дунëнинг аксар давлатлари¸ хусусан¸ АҚШда халқаро террорчи гуруҳлар рўйхатига киритилган “Ўзбекистон исломий ҳаракати”га аъзолик айби билан қўлга олинган.

46 яшар Зокир Алиев мазкур гуруҳ фаолиятига алоқадорликда гумонланиб¸ 2000 йиллар бошидан Ўзбекистонда қидирувда бўлган.

ДХХнинг ЎзАга билдиришича¸ Алиев “қўлга олиш жараëнида ноқонуний фаолиятига иқрор бўлган”.

Озодлик унинг озод этилиши тафсилотини ўрганмоқда.

XS
SM
MD
LG