Ўзбекистон Давлат статистика қўмитасига кўра, 2018 йилнинг июнь ойида асосий истеъмол махсулотлари нархларида ўртача 0,6 фоизлик, асосий хизматлар нархида эса 0,3 фоизлик тушиш қайд этилган.
Қўмита ҳисоботида айтилишича, озиқ-овқат маҳсулотлари нархи тушишда биринчи ўринни мева-сабзавотлар эгаллаган, нархлар 29 — 39 %га тушган.
Шунингдек тухум ва ёғ-мойлар нархи ҳам тушган. Гўшт, нон маҳсулотлари ҳамда дуккакли маҳсулотлар нархи ошган.
Алкоголли ичимликлар нархи ўртача 0,4 — 1,3% га ошган. Алкоголсиз ичимликлар нархи 0,9 %га ошган.
Шунингдек, июнь ойида шаҳар транспортида нархлар ўртача 6 %га, йўналишли такси ва темирйўл транспортида нархлар 0,3 — 1,5 %га ошиши кузатилган.
Ҳаво транспортида эса нархлар 4%га тушиш кузатилган. Ўтган ҳафта Mercer халқаро консалтинг ташкилоти Ўзбекистон пойтахти Тошкентни экспатлар (экспатриант — чет эллик ишчи ёки корхонанинг чет элда ишлайдиган ходими) учун дунёдаги энг арзон шаҳарлар рўйхатига киритганди.
