Ота-оналар жанжал кўтарди
Ўзбекистондаги олий ўқув юртига ўқишга кириш имтиҳонларини кузатаётган xushnudbek.uz Телеграмм каналининг ёзишича, Самарқандда камералар ишламагани учун ота-оналар жанжал кўтарган:
«Салом. Мен Самарқанд мединиститутига (тест) топширдим. Эрталаб имтиҳонга кириб чиқдим. Камералар умуман ишламади. Ота-оналар жанжал кўтариб ичкарига киришга ҳаракат қилишди. Ҳамма хоҳлаган ўйинини қилди. Бунга ким жавоб беради? Ким ўз бўйнига олади. Ўқиган абитуриент кимга бориб айтсин арз-додини? Мени эштганиз учун раҳмат».
"Белгиламасдан топширавер, у ёғини ўзимиз эплаймиз!"
1 август куни тест имтиҳонларидан сўнг, абитуриент жияни билан гаплашган тоғалардан бири пора билан ўқишга кириш ҳолати борлигини иддао қилди:
"Ассалом алайкум, жиянимни ўртоғи топширипти нархозга. Шпаргалка ва телефонларни ўтказмапти. Бу ўткан йиллар хам шундай эди, дейди. Айтишича, пулга гаплашилган экан, билмасанг топширавер, белгиламасдан, депти. Бу ёғини ўзимиз тўғирлаймиз если что ДПга кирасан дейишипти. Соққа 10 минг деди".
"Қўшнимнинг ўғли ўқишга кириши учун 50минг "кўк"идан сўрашган"
"Бизани узбекистонда хечкачон хакикат бумидику. Бу йилги имтихонлар хам мусасно эмас. Кайси бир ректор, тест маркази директори, катта катта давлатнинг сиёсий рахбарлари харом топадиган 10000$дан 50000$гача булган харом пулдан воз кечиб оддий одамларни укишга киритишга йул куяди. Бу кулгили ку ахир. Кирищ имтихонларини адолатли булади деб Телевидения ва бошка ерларда сахналаштирилган театрлар хаммаси бу ёлгонку. Кушнимни углидан тошмини стомига киргизишга 50000$ берсанг 100% укишга киришини айтган академияни рахьарларидан бири. Бизада харом пул рахбарларни конига сингиб кетган", дейилади Озодликка Телеграм орқали келган мактубда.(муаллиф орфографияси сақлаб қолинди-таҳр.)
"Орқада нима бўлса бўлиб ётибди"
"Тест маркази вакиллари бу йил тест имтиҳонларини бемалол ҳар томондан онлайн кузатиш мумкин бўлади, деб айтган эди. Лекин кўп жойларда битта камера ўрнатилгани учун орқадаги абитуриентларнинг қандай тестни ечаётганини кўриш қийин. Масалан, тошкент шаҳрида беш жойда имтиҳон бўляпти. Шундан фақат Ўзэкспо марказида бешта камера ишлаб турибди, Олимпия резервлари коллежида эса 2та, қолган тўрт жойда фақат битта камера онлайн ишлаб турибди. Олдинги қаторлар бўм-бўш, негадир абитуриентлар орқага ўтириб олган. Бир балоси бўлмаса, шудгорда қуйруқ на қилур, деб шунга айтсалар, керак-да", деб ёзди Озодликка имтиҳонларни кузатаётган тошкентлик ўқитувчилардан бири.
