Линклар

Шошилинч хабар
17 август 2018, Тошкент вақти: 04:48

Оқ Уй турк вазирларига жорий этилган санкция ҳақида тушунтириш берди


Оқ Уй матбуот котиби Сара Сандерс.

Оқ Уй матбуот котиби Сара Сандерс Туркиянинг Ички ишлар вазири Сулаймон Сўйлу ва Адлия вазири Абдулҳамид Гулга нисбатан жорий этилган санкциялар моҳияти ҳақида тушунтириш берди:

-Бу икки вазирнинг ҳар қандай мулклари ёки манфаатлари АҚШда музлатиб қўйилади. АҚШ фуқароларига улар билан ҳар қандай муносабатга кириши тақиқланади, -деди Сара Сандерс.

Вашингтон Сўйлу ва Гулни америкалик пастор Эндрю Брансонни таъқиб қилишга алоқадор деб ҳисоблаб, уларга нисбатан 1 августда санкциялар жорий этган эди. Туркия президенти Эрдўғон бу санкцияларни: “НАТО доирасида елкама-елка туриб курашаётган энг яқин ҳамкорига нисбатан бундай ҳаракат қилиш Қўшма Штатларга ярашмайди”, - деб қоралаган.

Туркияда 18 июлда насроний уламо Эндрю Брансон террорчилик ва жосусликда айбланиб қамоққа олинган эди. АҚШ босими остида у 25 июлда уй қамоғига чиқарилган.

XS
SM
MD
LG