Линклар

Шошилинч хабар
29 март 2024, Тошкент вақти: 18:45

SamDUda 35 talaba kursda qoldirildi. Ma’muriyat "bilimsizlik"ni ayblamoqda


Samarqand Davlat universiteti
Samarqand Davlat universiteti

Samarqand Davlat universiteti Tarix fakultetining 2-bosqichi bitiruvchilaridan 35 nafari joriy yilda o‘z kursida qoldirildi. Ozodlikka bog‘langan talabalarga ko‘ra, kursda qoldirilganlarning barcha bitta fan- O‘rta asrlar tarixidan bo‘lgan yakuniy imtihondan o‘ta olishmagan. Talabalar ushbu fan bo‘yicha ularga to‘liq bilim berilmaganini iddao qildi. Universitet rahbariyati bu iddaoni inkor qilib, talabalarning o‘zini bilimsizlikda aybladi.

“Kursimizda nohaq qoldirishdi”

Ozodlikka bog‘langan Samarqand Davlat universiteti Tarix fakulteti talabalari o‘zlarining nohaq ravishda keyingi kursga o‘tkazishmaganini iddao qildi.

“SamDUning tarix fakultetida o‘qiymiz. 2-kursdan 3-kursga 35 talaba o‘ta olmadik. O‘zbek guruhidan 26 talaba, rus guruhidan 9 talaba 2-kursda qoldik. Biz yana bir imkon bering, tayyorlanib ko‘rib, yana bir harakat qilib ko‘raylik desak, ruxsat berishmayapti. O‘zi kontraktga o‘qiymiz. Yana bir yil ortiqcha kontrakt puli to‘lashimiz kerakmi endi? Talabalar imkoniyati va talablarini umuman inobatga olishmayapti. Bizni nohaq yiqitishayapti”, deydi Ozodlikka bog‘langan talaba yigit.

Talabalardan yana birining aytishicha, 35 nafar talabaning barchasi bitta fandan imtihon topshira olmagan.

“35 talabaning hammasi dotsent Muqaddas Hoshimova o‘tadigan O‘rta asrlar tarixi fanidan yiqildik. Nimaga faqat biz-talabalarni ayblashadi. Hech kim “Balki domla ham aybdordir” deb o‘ylab ko‘rmaydi. Muqaddas opa sessiya boshida 2-3 para lektsiyani o‘zi o‘tgan. Keyin asistentlari bizga dars o‘tgan. Imtihonga kelganda yana Muqaddas opaning o‘zi paydo bo‘layapti. O‘qituvchi o‘zi o‘rgata olmayotgandir, deb hech kim so‘ramaydi. Nimaga 35 talaba boshqa hamma fanlardan bo‘lgan imtihonlardan o‘tadiyu, faqat bitta fandan yiqiladi?”, deydi ismini ochiqlamaslik sharti bilan gaplashgan talabalardan biri.

Dotsent Hoshimova: Talabalarning o‘zi aybdor

Jahon tarixi kafedrasi mudiri Muqaddas Hoshimova Ozodlik bilan suhbatda talabalarning o‘zi aybladi.

- Bu talabalar o‘z vaqtida o‘zlashtirmadi. Nazoratlarga qatnashmadi. Qatnashgan bo‘lsa ham yoza olmadi. Ularni necha marta ogohlantirdik. Tushuntirish xati yozib berdi. Keyin ota-onalariga aytdik, ular ham yozib berdi. Keyin talabalar “darsni o‘zi o‘tmadi” deyapti. Lekin o‘zim o‘tganman. Endi bizda ustoz-shogird tizimi bor. Ikkinchi kurs magistrlari nizom asosida 50 soat dars o‘tib berishi kerak. Ular o‘zimning shogirdlarim. Ular tayyorlangach, o‘zimning ishtirokimda ular dars o‘tgan, buni yashirmayman. Bu darslar sifatsiz bo‘ldi¸ degani emas. O‘zim nazorat qilganman hammasini.

Rektor: Ularga imkon berdik

Samarqand Davlat universiteti rektori Rustam Xalmuradov Ozodlik bilan suhbatda kursidan o‘tolmagan talabalarga yoz davomida imkoniyat

berilgani, biroq ular o‘sha imkoniyatdan ham foydlana olmaganini ta’kidladi.

- Bular uch marta imtihon qaytarib topshirgan. Birinchi marta topshiradi hamma qatori. Ikkinchi vedemost deymiz, muayyan vaqtdan keyin qayta topshiradi. Uchinchisi komissiyaga topshiradi. Bir necha kishidan iborat bo‘lgan muallimlarga. Bular o‘sha komissiyadan o‘tmaganlar bo‘lishi kerak. Bir marta imtihon topshirgan bilan xulosa qilinmaydi.

Talabalarning o‘zi bilimsiz

Dotsent Hoshimovaning Ozodlik bilan suhbatda aytishicha, talabalar orasida bilimsizlari ko‘pchilikni tashkil qiladi.

- Shunday talabalarimiz bor. Asrlarning farqiga bormaydigan talabalarimiz bor. Oddiy maktab programmalarini bilmaydigan talabalarimiz bor.

Muqaddas Hoshimova test jarayonlarida ishtirok etmagani bois, bilimsiz yoshlar qanday qilib, talabalar safiga qo‘shilib qolayotganidan bexabarligini aytdi.

Доцент Муқаддас Ҳошимова билан суҳбат
Илтимос кутинг

Айни дамда медиа-манба мавжуд эмас

0:00 0:13:25 0:00
Бевосита линк

Rektor Rustam Xalmurodov universitetdagi talabalar orasida bilimi pastlari ko‘pligini ta’kidladi.

- Universitet bo‘yicha 10 mingga yaqin talaba bo‘lib, har yili 200 atrofidagi talaba kursida qoldiriladi. Agar bularning haqiqiy bilimini taroziga solaman desangiz, bu raqam 5-10 barobar kattaroq bo‘lishi kerak. Haqiqiy bilim talab qilmagan desak, deydi rektor Xalmuradov.

Rektor Rustam Xalmurodov oliygohlarda islohot o‘tkazishdan avval, bog‘cha va maktablarni isloh qilish zarurligini ta’kidladi.

Ректор Рустам Халмурадов билан суҳбат
Илтимос кутинг

Айни дамда медиа-манба мавжуд эмас

0:00 0:06:35 0:00
Бевосита линк

Joriy yil 5 iyundagi prezident Mirziyoevning oliy ta’lim muassasalarida ta’lim sifatini oshirishga mo‘ljallangan maxsus qarorida bugungi kunda oliy tizimdagi o‘qitish jarayoni tanqid qilinib, buning talabga javob bermasligi ta’kidlangan. Qarorga ko‘ra, endilikda ushbu tizim tubdan isloh qilinishi rejalangan.

XS
SM
MD
LG