АҚШ президентининг миллий хавфсизлик бўйича ёрдамчиси Жон Болтон Россия Хавфсизлик кенгаши котиби Николай Патрушев билан Москвада учрашув ўтказди.
Болтон Москвада икки кун бўлади. У ташқи ишлар вазири Сергей Лавров ва президент Владимир Путин билан ҳам учрашади.
Болтон Вашингтоннинг ўрта ва кичик масофага учувчи ракеталарни йўқ қилиш тўғрисидаги шартномадан чиқиши юзасидан позициясини тушунтириши кутилмоқда. Олдинроқ шартномадан чиқиш тўғрисида Трамп баёнот берган эди. АҚШ президенти фикрича, Москва шартномани бузиб ракеталарни ер юзида жойлаштириш тизимини яратиш устида ишлаган. Трампга кўра, бу Европага зарба бериш имконини яратган.
Россия бу айбловларни рад этмоқда.
Ўрта ва кичик масофага учувчи ракеталарни йўқ қилиш тўғрисидаги шартнома 1987 йили имзоланган.