Линклар

Шошилинч хабар
23 май 2019, Тошкент вақти: 12:46

Chirchiqda maktabdoshini urib o‘ldirgan o‘quvchiga nisbatan jinoyat ishi qo‘zg‘atildi


Suratning Chirchiqdagi voqeaga aloqasi yo‘q.

Chirchiq shahridagi 6-umumta’lim maktabning 10-sinf o‘quvchisi 9-sinf o‘quvchisini maktab hovlisida 12 mart kuni urib o‘ldirdi.

Voqea guvohlarining aytishicha, "munosabatlarini oydinlashtirgani biru-bir”ga chiqqan o‘quvchilardan kichigi bo‘yniga bir musht yeganidan so‘ng, yerga yiqilib joni uzilgan.

Bosh prokuratura matbuot xizmati xabariga ko‘ra, qotillikda gumonlangan o‘quvchiga nisbatan O‘zbekiston JKning 97 moddasi 1-qismi bilan jinoyat ishi qo‘zg‘atilgan.

Chirchiq shahri markazida joylashgan 6-umumta’lim maktabining 9-sinf o‘quvchisi X.T. 12 mart kuni maktab hovlisidagi janjal oqibatida o‘lgani haqida ismi sir qolishini so‘ragan o‘qituvchilardan biri Ozodlikka xabar qildi:

“9-sinfda o‘qiydigan bola mahalladoshlaridan A. degan bolani urgan ekan. U esa 10-sinfda o‘qiydigan O.S. degan bolani chaqirib kelgan. Voqea o‘zi 3-inchi soatda boshlangan. O‘qituvchi bo‘lmagani sababli bolalar bo‘sh qolgan. Keyin tanaffus paytida ikkala bola maktab hovlisiga “birga-bir” urishgani chiqishgan. O.S. o‘zi sportchi bola, ancha baquvvat. U X.T.ning orqa bo‘yin qismiga qattiq zarba berganda, bola o‘sha erning o‘zida yiqilgan”.

O‘qituvchining aytishicha, “Tez yordam” yetib kelganda bolaning joni uzilgan bo‘lgan:

“Shovqin-suron bo‘lgandan keyin o‘qituvchilar xabar topib chiqdi va bolani maktabning medpunktiga olib kirishdi. Ancha harakat qilishsa ham bola o‘ziga kelmadi va "Tez yordam" kelib, bolani o‘lib bo‘lgan, deb aytdi”.

Chirchiq shahar ichki ishlar bo‘limi xodimlaridan biri shunday voqea bo‘lganini tasdiqladi:

“O‘lgan o‘quvchi bola ekspertiza qilindi. Bo‘yin qismiga berilgan qattiq zarbdan uning umurtqasi uzilib ketgan ekan. Urgan bola hozir qamoqqa olingan. Hozircha unga O‘zbekiston JKning 97-moddasi bo‘yicha jinoyat ishi ochilgan. Agar sud unga ozodlikdan mahrum etish haqida jazo tayinlasa, 18 yoshga to‘lguncha jazoni voyaga yetmaganlar koloniyasida, keyin esa kattalar koloniyasida o‘taydi”.

O‘zbekiston Bosh prokuraturasi matbuot xizmatining bu voqea yuzasidan Ozodlikka yuborgan xabarida aytilishicha, X.T. bosh miya yopiq jarohati oqibatida vafot etgan:

"6-sonli umumiiy o‘rta-ta’lim maktabining 10B-sinf o‘quvchisi O.S. hamda ushbu maktabning 9A-sinf o‘quvchisi voyaga yetmagan T.X. o‘rtasida kelib chiqqan o‘zaro janjal natijasida, O.S. mushti bilan voyaga yetmagan X.T.ning o‘ng chakka sohasiga bir marotaba urganidan so‘ng X.T.muvozanatini yo‘qotib, yerga bosh qismi bilan yiqilgan. Ko‘rsatilgan birinchi tibbiiy yordamga qaramasdan, voyaga yetmagan X.T.ning hayotini saqlab qolish imkoni bo‘lmagan. Sudga oid tibbiy ekspertizaning dastlabki ma’lumotnomasida, voyaga yetmagan X.T.ning o‘limi bosh miya yopiq jarohati oqibatida yuzaga kelganligi ko‘rsatilgan

Mazkur holat yuzasidan 12.03.2019 ĭilda Toshkent viloyati IIB huzuridagi tergov boshqarmasi tomonidan O.S.ga nisbatan JKning 97-moddasi 1-qismi bilan jinoyat ishi qo‘zg‘atilib, O.S. JPKning 221-moddasi tartibida ushlandi.

Jinoyat ishi yuzasidan tergov harakatlari viloyat prokuraturasi tomonidan nazoratga olindi.

"Mazkur xolat yuzasidan 12.03.2019 ĭilda Toshkent viloyati IIB xuzuridagi tergov boshqarmasi tomonidan O.S.ga nisbatan JKning 97-moddasi 1-kismi bilan jinoyat ishi kuzgatilib, O.S. JPKning 221-moddasi tartibida ushlandi.

Jinoyat ishi yuzasidan tergov xarakatlari viloyat prokuraturasi tomonidan nazoratga olindi".

O‘zbekiston Ichki ishlar vaziri Po‘lat Bobojonov 2018 yilning fevralida O‘zA agentligiga bergan suhbatida o‘tgan yilda maktab o‘quvchilari, akademik litseylar va kasb-hunar kollejlari o‘quvchilari tomonidan 1,5 mingdan ziyod jinoyat sodir etilganini aytgan edi.

1,5 ming jinoyatning bir nechasi haqda Ozodlik o‘z vaqtida xabar qilgan.

O‘tgan yilning 7 aprel kuni Andijon shahridagi 10-umumta’lim maktabining 9-sinf o‘quvchisi maktab hovlisida shaharning 29-maktabida o‘qiydigan tengqurining yuragiga pichoq sanchib o‘ldirgan.

2018 yilning fevral oyida Toshkent viloyat, Chirchiq shahridagi Ijtimoiy-iqtisodiyot va xizmat ko‘rsatish kasb-hunar kollejining ikkinchi bosqich o‘quvchisi o‘zining qiz kursdoshini pichoqlagan edi.

Xususan, o‘tgan yilning 6 oktabr kuni 1- sonli Toshkent yuridik kolleji talabasi 2 kursdoshini pichoqlagan edi. Talabalardan biri voqea joyida jon berdi. Pichoqlangan yana bir talaba Toshkentdagi shoshilinch tibbiy yordam ilmiy markazining jonlantirish bo‘limiga yotqizildi.

Toshkentdagi 1- sonli Toshkent yuridik kollejidagi “vahshiyliklar” o‘tgan hafta O‘zbekiston telekanalida ham tanqid qilingan edi.

XS
SM
MD
LG