Линклар

Шошилинч хабар
18 ноябр 2019, Тошкент вақти: 09:21

Ўзбек тилига давлат тили мақоми берилганига 30 йил тўлди


Ўзбек тилига давлат тили мақоми берилганига 21 октябрь куни 30 йил тўлди. Шу муносабат билан бугун Ўзбекистоннинг турли жойларида тантанали байрам тадбирлари ўтказилиши кутилмоқда.

Жорий ой бошида “Давлат тили ҳақида”ги қонун қабул қилинганининг 30 йиллигини кенг нишонлаш тўғрисида Президент қарори қабул қилинганди. Унга мувофиқ, мазкур тадбирга тайёргарлик кўриш ва ўтказиш бўйича ташкилий қўмита таркиби ва ўтказиладиган оммавий маънавий-маърифий чора-тадбирлар дастури тасдиқланган.

Ўзбек тилига Давлат тили мақомини бериш тўғрисидаги қарор рус тилида чиққан эди.
Ўзбек тилига Давлат тили мақомини бериш тўғрисидаги қарор рус тилида чиққан эди.

“Давлат тили ҳақида”ги қонун қабул қилинганининг 30 йиллигини кенг нишонлаш тўғрисида Президент қарорида, хусусан, умумтаълим мактаблари ўқувчилари ўртасида ўзбек тили мавзусида иншолар танлови ўтказилиши режаланган.

Шунингдек, ўзбек тилининг нуфузини жамиятда янада мустҳкамлаш мақсадида Ўзбек тили ва адабиёти университети, “Юксалиш” умуммиллий ҳаракати, “Миллий тикланиш” демократик партияси, Ўзбекистон Ёзувчилар уюшмаси, Республика маънавият-маърифат маркази ва бошқа қатор ташкилотлар билан ҳамкорликда давлат тили ўн кунлигини ўтказиш бўйича ишчи гуруҳ тузилган.

Ўзбек тилига давлат тили мақомини беришга оид қонун 1989 йилнинг 21 октябрида қабул қилинганди.

Ҳар йили бу санада турли тадбирлар ўтказиб турилади. Айни пайтда, орадан 30 йил ўтганига қарамай, Ўзбекистонда ўзбек тилига давлат тили сифатида етарли эътибор берилмаётганига оид танқидлар вақти-вақти билан айтиб турилади.

XS
SM
MD
LG