24 iyunda Moskvada bo‘lib o‘tadigan G‘alaba paradida ishtirok etish uchun 12 mamlakatdan harbiylar Moskvaga yetib borgan, ular orasida o‘zbekistonliklar ham bor. Bu haqda paradga qo‘mondonlik qiladigan rossiyalik general Oleg Salyukov bayonot bergani to‘g‘risida TASS xabar qildi.
Tashqi mehnat migratsiyasi agentligining 18 iyunda ma’lum qilishicha, 19 iyunda Toshkent -Istanbul-Toshkent yo‘nalishi bo‘yicha ikkita, Toshkent-Moskva-Toshkent yo‘nalishi bo‘yicha bitta charter reys tashkil etiladi.
Moskvadagi parad mana shunday sharoitda, ya’ni koronavirus tufayli davlatlar, shu jumladan O‘zbekiston chegaralari yopiq qolayotgan, davlatlararo muntazam aviaqatnovlarga ruxsat berilmayotgan, faqat charterlargina uyushtirilayotgan bir paytda o‘tkaziladigan bo‘lib turibdi.
Toshkentlik dramaturg Sanjarali Imomovga shu vaziyatdan hamda Madaniyat vaziri Ozodbek Nazarbekovning yangi lavozimga tayinlanishidan paydo bo‘lgan savollarimizni berdik.
