Линклар

Шошилинч хабар
25 октябр 2020, Тошкент вақти: 22:40

COVID-19 Россияда ўтган ярим йилда ўлим ҳолатлари кўпайишининг асосий сабабига айланди


Россия Федерал давлат статистика хизмати (Росстат ) маълумотларига кўра, мамлакатда 2020 йилнинг илк етти ойида ўтган йилнинг шу даврига солиштирганда 57 961 нафарга кўпроқ киши вафот этган.

Россияда шу муддат ичида 22,6 минг одам COVID-19 инфекциясидан нобуд бўлган; 15,3 минг киши бошқа сабабга кўра вафот этган, деб қайд этилган, аммо улар ҳам коронавирусга чалинган.

Москва соғлиқни сақлаш бошқармасига кўра, пойтахтдаги ортган ўлимлар сабабчиси коронавирус инфекциясидир.

Росстат COVID-19 инфекциясидан ўлганлар статистикасида фарқлар мавжудлигини тасдиқлади.

Россия ҳукуматининг коронавирус инфекциясига қарши кураш бўйича тезкор штаби маълумотларига кўра, мамлакатда апрель ойидан 18 сентябрга қадар 19 195 нафар киши COVID-19 инфекциясидан нобуд бўлган. Росстат ҳисоб-китобларига кўра, 2020 йилнинг тўрт ойида (апрель-июль) 22 590 нафар россиялик коронавирусдан ўлган. Бу вирус юқтирганларнинг 2 фоизидан кўпроқни ташкил этади.

Марказий эпидемиология илмий-тадқиқот институти ходими Анна Иванованинг айтишича, ушбу маълумотлар бир-бирига мос келмайди.

"Чунки, - дейди у,- тезкор штаб статистикасида улар касалхоналардан ҳар куни оладиган ўлимлар сони кўрсатилган. Росстат эълон қилган маълумотлар эса тиббий ўлим тўғрисидаги гувоҳномалар асосида тўпланган".

XS
SM
MD
LG