Украина Ташқи ишлар вазири: Россия агрессиясига қарши зудликда чора кўринг!
Ташқи ишлар вазири Дмитрий Кулеба халқаро жамоатчиликни Россия агрессиясига қарши зудликда чора кўришга чақирди:
1. Россияга қарши зудликда кучли санкциялар, шу жумладан SWIFT молиявий тўлов тизимини ўчириш чорасини қўллаш,
2. Россиянинг тўлиқ ва кенг кўламли равишда изоляция қилиш,
3. Украинага қурол ва ҳарбий техника етказиш,
4. Молиявий ёрдам бериш,
5. Гуманитар ёрдам бериш.
"Настоящее Время" телеканалида жонли эфир:
Киев шаҳри мэри Виталий Кличконинг мурожаати:
“Азиз ҳамшаҳарлар! Украинага агрессор ҳужум қилди. Снарядлар гумбурлаши Киевда ҳам эшитиляпти. Айни пайтда бизнинг энг катта душманимиз – бу ваҳима. Саботни йўқотмайлик. Энг муҳим инфратузилмалар фаолияти ва шаҳар ҳаётини таъминлашга жалб қилинмаган барча фуқаролар, уйингизда қолинг. “Эҳтиёт чамадони”ни ҳозирлаб қўйинг. Ҳужжатларни ва фақат энг зарур нарсаларни олинг. Зарурат бўлганида зудлик билан панагоҳларга етиб олишга тайёр туринг. Шаҳар маъмурияти – пойтахтда. Биз шаҳарнинг иш фаолиятини таъминлашда давом этяпмиз”.
Украина бўйлаб ҳарбий ҳолат жорий қилинди
Украина президенти Владимир Зеленский мамлакат бўйлаб ҳарбий ҳолат эълон қилди.