Линклар

Шошилинч хабар
28 сентябр 2022, Тошкент вақти: 02:22

Николаевда Россия ракета ҳужумидан 9 қаватли уй вайрон бўлди


Украинанинг Николаев вилояти ҳарбий бошқармаси матбуот котиби Дмитрий Плетенчук ўзининг Facebook саҳифасида 20 август куни Россия ракетаси Вознесенск шаҳридаги кўп қаватли уйга келиб урилганини маълум қилди.

Зарба соат 11: 30 атрофида берилган, ракета беш қаватли турар-жой биносига келиб тушган, бинонинг иккита подъезди, шунингдек, яқин атрофдаги хусусий уйлар ва уй ёнида турган автомобиллар шикастланган.

Вилоят прокуратурасининг таъкидлашича, бу ҳудудда ҳарбий объектлар йўқ.

Вознесенскнинг ўққа тутилиши ҳақидаги маълумотни депутат Артем Черноморов ўзининг телеграм-каналида тасдиқлади: у шаҳарда қутқарув операцияси давом этаётганини билдирди:

"Россия ракетаси беш қаватли турар-жой биносига келиб тушди, бино деярли вайрон бўлди. Бизнинг жасур қутқарувчиларимиз ва полициямиз воқеа жойида ишламоқда. Тиббиёт ходимлари ярадорларга ёрдам беришмоқда. Кўп қаватли уй ёнидаги уйлар ва автомобилларга ҳам зарар етган" .

Николаевдаги портлашда тўққиз киши яралангани ҳақида хабарлар бор, улардан тўрт нафари болалар.

Кейинроқ ярадорлар сони 12 кишига етгани хабар қилинди.

XS
SM
MD
LG