Линклар

Шошилинч хабар
27 сентябр 2022, Тошкент вақти: 06:13
Доғистондаги норозилик намойишлари.

Иркутск военкоматида ўқ отилди. Урушга қарши минглаб киши қўлга олинди. Уруш хроникаси

Урушнинг 215-куни

Россияда фаол мобилизация ишлари меҳнат муҳожирлари орасида ҳам авж олди.

Россия президенти ҳузуридаги Инсон ҳуқуқлари бўйича кенгаш аъзоси Марказий Осиёдан келган муҳожирларни армияда хизмат қилишга мажбурлашни таклиф қилди.

Украина президенти Владимир Зеленский россиялик аскарларга хавфсиз таслим бўлиш йўлларини кўрсатди.

Россияда мобилизация ишлари яқинда гражданлик олган ўзбеклар орасида ҳам авж олди.

Одессада камикадзе дрон ҳужуми оқибатида бир фуқаро ҳалок бўлди.

Украина Теҳроннинг Россия қўшинларини дронлар билан таъминлашни бошлагани туфайли Эрон билан дипломатик муносабатларни узишини билдирди.

Доғистонда мобилизацияга қарши оммавий норозиликка чиққанлар полиция билан тўқнашди.

Россия президенти Владимир Путин талабаларни сафарбарликка чақиришни кечиктириш ҳақидаги фармонни имзолади.

Украина ҳозирда мамлакатнинг Россия қўшинлари назорати остидаги ҳудудларида бўлиб ўтаётган Россияга қўшилиш бўйича референдумлар масаласида БМТ Хавфсизлик Кенгашидан фавқулодда йиғилиш ўтказишни талаб қилди.

11:41 26.9.2022

«Ҳозир ҳаммамиз уйга қайтамиз», деди 25 ёшли Руслан Зинин военкоматда ўқ отишдан олдин, деб ёзди Baza гувоҳларга таянган ҳолда

11:26 26.9.2022

Иркутск вилояти Усть-Илимск шаҳри военкоматида ўқ отилди

Бу ҳақда "Тайга.Инфо" ва Baza маълум қилди. Воқеанинг видеоси ҳам тармоқларда тарқалди. Видеода қуролланган одам ўқ отаётгани, бино ичидаги одамлар эса ваҳимада қочаётгани акс этган.

2022-09-26 12.16.01.mp4
Илтимос кутинг
Киритиш (Embed)

Айни дамда медиа-манба мавжуд эмас

0:00 0:00:07 0:00

"Тайга.Инфо" яраланганлар орасида чақирув комиссиясининг раиси борлигини ёзди. Аввалроқ унинг ўлдирилгани хабар қилинганди. Отишмада қанча одам жабрлангани тўғрисида ҳозирча маълумот йўқ.

Ўқ отган одам қўлга олинди. Baza қўлга олинган шах акс этган видеони эълон қилди. Видеодаги шахс ўзининг Руслан Зинин эканини, 25 ёшдалигини ва ишсизлигини айтган.

11:15 26.9.2022

Россия ҳарбий мажбуриятга эга шахсларни мамлакатдан чиқишини тақиқлаши кутилмоқда

Россия ҳарбий мажбуриятга эга шахсларни, биринчи навбатда, сафарбарликка жалб қилиниши мумкин бўлган эркакларнинг мамлакатдан чиқишини тақиқлаши кутилмоқда. Бу ҳақда "Вёрстка", "Медуза", "Сота", "Важние истории" ва "Ходорковский LIVE" Кремль ва ФХХга яқин бўлган ўз манбаларига таянган ҳолда хабар тарқатди.

"Важние истории" тақиқ 26 сеньтябрдан жорий этилишини ёзмоқда. “Медуза”нинг манбалари эса 28 сентябрь санасини айтаяпти. "Вёрстка" манбалари эса 30 сентябрдан чегаралар ёпилишини иддао қилган. "Ходорковский LIVE" тақиқ фақат эркакларга эмас, ҳарбий мажбуриятга эга аёллар, масалан, шифокорларга ҳам тегишли бўлишини ёзди.

Манбаларнинг билдиришича, Россия ҳукумати сафарбарликдан қочганлар сони кўпайиб бораётганидан ташвишланмоқда.

08:39 26.9.2022

Россияда военкоматлар ва ҳокимиятларга ўт қўйиш ҳолатлари кўпаймоқда

Россия матбуоти мамлакатда военкоматлар ва ҳокимиятларга ўт қўйиш ҳолатлари кўпайгани тўғрисида хабар бермоқда.

Mash нашрининг ёзишича, сўнгги бир сутка ичида Ленинград вилоятининг Кировск шаҳар военкоматига ва Сяськелевск аҳоли пункти маъмурияти биносига ўт қўйилган.

Аввалроқ бу каби ҳодисалар Мордовия, Калининград ва Нижегородда содир этилганди. Мордовиядаги Рузаева тумани ҳарбий комиссарининг автомобилига ҳам ўт қўйилгани хабар қилинган.

Ўтган ҳафта давомида жами 20 та ўт қўйиш ҳолати қайд этилган. Бу воқеаларда фуқаролар жабрланган эмас.

Давомини ўқинг

XS
SM
MD
LG