Парижда юзлаб одамлар Россиянинг Украинадаги урушига қарши намойиш уюштирди
Кеча Парижда юзлаб намойишчилар Россиянинг Украинага босқинининг бир йиллиги муносабати билан намойиш ўтказди.
«Тарихда бўлгани каби, агар тажовузга жим қараб турсангиз, кейинги жабрдийда ўзингиз бўлишингиз мумкин. Шундай экан, бир биримизни қўллаб қувватлашимиз керак. Шунинг учун ҳам биз шу ердамиз», дейди украиналик қочқин Олександр Махуно.
Баъзи намойишчилар Украина байроқларини кўтариб олган бошқалар эса Владимир Путинни қораловчи сўзлар туширилган плакатларни олиб чиққан.
«Биз Украинанинг тажовузга қарши курашини қўллаб-қувватлаймиз. Биринчи навбатда рус қўшинлари бутун Украинадан чиқиб кетиши учун курашамиз», дейди Мариана Санчес исмли намойишчилардан бири.
Шунингдек, намойишлар бир вақтнинг ўзида Франциянинг Бордо, Ренн ва Монпеле шаҳарларида, қолаверса Берлин ва Брюсселда ҳам бўлиб ўтди.
Рамзан Қодиров ўзига "Чеченистон Қаҳрамони" унвонини берди
Чеченистон раҳбари Рамзан Қодиров ўзини Чечен Республикаси Қаҳрамони унвони билан тақдирлади, мазкур мукофотни ўтган йилнинг ноябрида Қодировнинг ўзи таъсис этганди. Ундан чиқди у ўзини-ўзи биринчи медал билан сийлади. Бу ҳақда ТАСС хабар қилмоқда.
Тақдирлаш маросими Ватан ҳимоячилари кунига бағишланган тантанали тадбир чоғида ўтказилди. Унвон низомига кўра у “қаҳрамонона жасорат” кўрсатганларга берилиши керак. Бироқ Қодиров қандай жасорат кўрсатгани очиқланмаган.
Чечен Республикаси Қаҳрамони медали 750 пробали 70 г олтиндан ясалган саккиз қиррали юлдуз шаклида бўлиб, унинг юқори қисмига “Къонах”, яъни “Қаҳрамон” деб ёзилган. Медалнинг қуйи қисмида эса “Аллаху Акбар. Ахмат – сила” деган сўзлар бор.
Бошида Қодировнинг ўзи медаль билан биринчи бўлиб Украинада “ўзини кўрсатган” жангчилар тақдирланишини айтган эди.
Чеченистон раҳбари жами 30 дан ортиқ расмий ҳукумат мукофотларини олган. Улар орасида Россия Қаҳрамони олтин юлдузи, тиббий фанларни ривожлантиришдаги хизматлари учун “Авиценна” ордени, “Стоматология олдидаги хизматлари учун” ордени бор. Шу йилнинг феврал ўрталарида у Чечен конституциясига ўзгартиш киритиб, ўзига “халқлар отаси” унвонини берганди.
Россияда урушга қарши акциялар бўлиб ўтди
Украинага қилинган тажовузнинг 1 йиллиги муносабати билан Россиянинг ўзида урушга қарши аксиялар бўлиб ўтди.
Уларда Россиянинг 14 шаҳридан камида 54 киши ҳибсга олинди.
Биринчи "Leopard II"лар Украинада
Полша Украинага ўзининг биринчи “Леопард” танкларини етказиб берди, деб хабар қилди мамлакат президенти Анжей Дуда ва мудофаа вазири жума куни Миллий хавфсизлик кенгаши йиғилишида.
Мудофаа вазири Мариуш Блашчак кейинроқ танклар Украинага етиб борганини тасдиқлади.
Варшаванинг мажбурияти Европа иттифоқчиларини Украинага оғир қуроллар, жумладан, бир қанча давлатлар, жумладан, Берлин ҳам қарши бўлган танклар беришга кўндиришда муҳим рол ўйнади.
Полша Леопард 2 танкларида украиналик аскарларни тайёрлаш вақтини беш ҳафтагача қисқартириш ниятини билдирган эди.