Краснодарда Вагнер мозорида ўзбек муҳожирларининг янги қабрлари аниқланди
Куни кеча тармоқларда пайдо бўлган видеода ўзбек муҳожири вагнерчилар қабристонида кўмилган мусулмон аскарлар қабртошларини бирма-бир суратга олгани тасвирланган. Видео муаллифи ушбу қабристон қаерда жойлашганини айтмасада, Озодлик қабрнинг жойлашувчи ва геолокациясидан бу Краснодар ўлкасидаги Горячий Ключ шаҳарчаси мозори эканини аниқлади.
Тош лавҳлардан дафн этилганлар орасида ўзбекча, тожикча, қирғизча исмларни учратиш мумкин. Озодлик ўзбек муҳожирлари кўмилган қабрлар Россиянинг бошқа минтақаларида ҳам борлиги, яна бир неча ёлланма жангчининг ўлиги эса яқинларига берилиб, улар Ўзбекистонда, Тожикистонда ва Қирғизистонда кўмилгани тўғрисида гувоҳликларга эга бўлди.
Озодлик ушбу кадрлар асосида қабристонда кўмилганлар рўйхатини тузиб чиқди.
-
Мусалиев Элбек Рамзанович, 26.11.1976-05.05.2023
-
Санчар Махмадзода, 27.11.1997 - 20.04.2023
-
Сабыров Сабр Сабырович - 19.07.1990 - 08.05.2023
-
Талипов Даньяр Анварович, 31.10.1991-20.04.2023
-
Хидоятов Сайидакбархон Хамидуллохон ўғли, 31.05.1993-27.03.2023
-
Поянов Эшпўлат Хуррамович, 22.06.1993-08.03.2023
-
Абдурахманов Джумахон Валиевич, 05.09.1975 - 05.04.2023
-
Жумабеков Кадыргали Кангалиевич, 14.03.1982 - 17.03.2023
-
Жусупов Тимур Задгереевич, 07.04.1992-07.04.2023
-
Назиров Азиз Собир ўғли, 13.10.1992-07.01.2023
-
Адашев Дилмурод Акрамжон ўғли, 31.01.1995 - 23.03.2023
-
Мирзакулов Дилшодбек Махаммадалиевич, 10.02.1984 - 10.01.2023
-
Давлетов Самат Аманжолович, 11.08.1974-27.02.2023
-
Масоев Ахлиддин Абдулфайзович, 13.08.1989-07.01.2023
-
Бегатанов Исломжон Икрамжонович, 17.03.1988-18.01.2023
-
Сулейманов Абдугаффар Абдусатторович, 09.09.1986-12.12.2022
-
Мухторов Отабек Одилжон ўғли, 18.09.1996-06.12.2022
-
Тиллабоев Кароматулло Рахматович, 27.03.1992-13.02.2023
-
Умаров Бобурбек Джурабой ўғли, 03.12.1992-25.11.2022
-
Наркулов Захиджан Хурваевич, 09.12.1971-22.02.2023
-
Силапов Саиднияз Оразмурадович, 05.02.1985-17.03.2023
Шу йилнинг март ойида New York Times журналисти Кристиан Триберт Горячий Ключдаги Вагнер қабристонида кабрлар сони кескин кўпайганини эълон қилганди.
Россия яна олтита Шаҳед-136/131 дрони билан Украинага ҳужум қилди
15 июлга ўтар кечаси Россия армияси жанубдан олтита Шаҳед-136/131 учувчисиз самолёти билан Украинага ҳужум қилди, дея хабар бермоқда Украина Қуролли кучлари Ҳарбий ҳаво кучлари қўмондонлиги.
Украина ҳарбийлари олтита дрондан тўрттасини уриб туширганини даъво қилмоқда.
Запорожеда 62 ёшли маҳаллий аҳоли рус армиясининг ҳужуми туфайли яраланди. Запороже шаҳар кенгаши котиби Анатолий Куртевнинг айтишича, зарбадан инфратузилма объекти ҳам зарар кўрган, тўртта кўп қаватли уйнинг деразалари учиб кетган.
Дмитрий Медведев Тоцкое ядро полигонига ташриф буюрди
Россия президенти Владимир Путин раислигидаги Россия Хавфсизлик кенгаши раҳбари Дмитрий Медведев жума куни Тоцкое полигонига ташриф буюрди. Медведевнинг расмий телеграм-каналида Россия Хавфсизлик кенгаши раҳбарининг Россиянинг Оренбург вилоятидаги ядро полигонига ташрифи акс этган кадрлар чоп этилди.
"Ушбу полигонда мувофиқлаштириш эндигина бошланди, охирги йил ичида иккинчи марта. Нима етарли, нима етишмаяпти, қандай фикрлар бор, нимани яхшилаш мумкин? Ниҳоят, менинг мақсадим Олий Бош қўмондонга ҳисобот бериш - раҳбарга махсус операцияда қатнашадиган ҳар бир киши учун жанговар ва сиёсий тайёргарлик қандай кечаётгани ҳақида. Мақсад шу, деди Медведев.
Полигон 1954 йилда ўтказилган ядро машғулотлари билан машҳур бўлиб, унинг давомида ядро портлашидан сўнг минглаб аскарлар ҳудуд бўйлаб юришган.
Бундан бир ҳафта олдин Дмитрий Медведев Украина ва Европадаги АЭСларга ракета зарбаси беришни таклиф қилганди.
«Уяладиган жойи йўқ» деган Медведев агар Смоленск АЭСида «НАТО ракеталари билан ҳужум қилишга уриниш» тасдиқланса, Россиянинг бир вақтнинг ўзида Жанубий Украина АЭС, Ровно АЭС ва Хмелницкий АЭСига зарба бериш режасини кўриб чиқиш зарурлигини айтди.
Шунингдек, Медведев Шарқий Европадаги ядро иншоотларига ҳам зарба беришни таклиф қилди.
Красноярск ўлкасидаги Солнечний қишлоғида “Сармат” ҳайкали ўрнатилди
2022 йил охирида Россия президенти Владимир Путин “Сармат” қитъалараро ракеталари тез орада жанговар навбатчиликка қўйилишини маълум қилган эди.
Путин иддаосича, қуввати 50 минг килотонна бўлган ушбу оғир қитъалараро баллистик қурол ярим қитъани йўқ қилишга қодир. Таққослаш учун, Иккинчи жаҳон урушида америкаликлар Японияга ташлаган “Бэби” ва “Семиз одам” бомбаларининг қуввати 15 ва 21 килотоннани ташкил қилган.
Оммавий қирғин қуроли очилишида ҳатто рус православ черковининг руҳонийси ҳам иштирок этди.