Россия Украина устидан БМТга арз қилди
Душанба куни Россия БМТ Хавфсизлик Кенгашида Киев устидан арз қилишга тушди, уни террорчилик усуллари билан урушаётганликда айблади. Россия даъволари ҳафта охирида Москвада тўртинчи дрон ҳужумидан кейин янгради.
Россия элчиси Дмитрий Полянский Украина камикадзе дронларининг Россия ҳудуди ва Қримга ҳужумлари кўпайиб қолганини маълум қилди.
“Киев режимининг тобора даҳшатли ҳаракатларини қоралашни борган сари рад этиш орқали БМТ Зеленский режимига ҳар қандай жиноятни амалга оширишга имконият яратиб бермоқда”, деди Россия элчиси.
Аммо душанба куни Украина расмийлари Россия баллистик ракеталари президент Зеленскийнинг туғилган шаҳридаги турар-жой мажмуаси ва университет биносига қулагани, Портлашлар вайроналар остида аҳолини қулаши оқибатида олти киши ҳалок бўлди ва 75 киши жароҳатланганини айтишди.
Кривой Рог шаҳри марказига тушган иккита ракетадан бири турар-жой биносининг бир қисмини вайрон қилган, ҳалок бўлганлар орасида 10 ёшли қиз ва унинг онаси ҳам бор.
Украина элчиси Кристина Ҳаёвишининг айтишича, Россиянинг ўзининг тажовузкорлиги халқаро тинчлик ва хавфсизликка жиддий таҳдид солмоқда.
"Ёвузлик мағлуб бўлганда, у ўзини худди шу хонада ўтирган Россия делегациясининг вакили каби тутади ва одатга кўра ўзини қурбон сифатида кўрсатишга ҳаракат қилади", деди Украина вакиласи.
Кенгаш аъзолари бир овоздан Россиянинг ҳаракатларини қоралаб, нима сабабдан рус делегацияси Украина масаласини июл ойида беш марта кун тартиби муҳокамасига қўйишни сўрашда давом этаётганини савол остига олишди. Аъзолар, шунингдек, Украина ўз суверенитетини ҳимоя қилиш ҳуқуқига эга эканлигини яна бир бор таъкидлашди.
Ўтган кун давомида Россияда ҳарбий комиссариатларга 11 марта ўт қўйилди
База телеграм канали хабарича, ҳодисалардан бири Санкт-Петербургда 53 ёшли эркак шаҳарнинг Марказий туманидаги ҳарбий хизмат кўрсатиш бўлимининг айвонига ўт қўйиб, сўнг машинасини шаҳар дарвозасидан бинонинг ҳовлисига ёриб ўтмоқчи бўлган.
Фонтанкага кўра, ўзини “ФСБ ходими Колесников” деб таништирган шахсдан телефон орқали ўт қўйиш ҳақида кўрсатма олгани айтилган ўт қўювчини ҳибсга олинди.
Шунингдек, ўша куни улар Калуга, Подолск, Можайск, Омск, Верхнеуралск, Копейск ва Россошдаги ҳарбий комиссариатларга ўт қўйишга ҳаракат қилишган. Ўт қўйганларнинг аксарияти бир кун аввал номаълум шахслардан қўнғироқ бўлгани, идораларга ўт қўйишга мажбурлашганини айтишмоқда.
Масалан, Россошда хавфсизлик кучлари 24 ёшли тарих ўқитувчисини қўлга олишди, унинг сўзларига кўра, телефон фирибгарлари уни ҳарбий комиссияга ўт қўйишни буюрган.
“Диққат, Москва” телеграм-каналининг хабар беришича, Подолскда ҳарбий рўйхатга олиш бўлимига ўт қўйишга уриниш икки пенсионер томонидан содир этилган. Улар бино яқинида навбатчилик қилаётган хавфсизлик кучлари томонидан ушланган.
Аввалроқ Медиазона нашри Россиянинг Украинага бостириб кириши бошланганидан буён Россия Федерациясидаги ҳарбий муассасалар камида 113 марта ёқиб юборилгани ҳақида хабар берган эди. Ишларнинг ярмида ушбу ўт қўйишлар бўйича жиноий ишлар терроризмга оид моддалар (Россия Федерацияси Жиноят кодексининг 205-моддаси) бўйича тергов қилинган. Военкоматларга ўт қўйишда гумон қилиниб, хавфсизлик кучлари камида 102 кишини ҳибсга олган.
Медиазона хабарига кўра, Россия судлари аллақачон 31та иш бўйича ҳукм чиқарган. Шу билан бирга, 37 нафар ўт қўйган шахс 19 йилгача қамоқ жазосига ҳукм қилинди.
Хитой "урушда фойдаланмаслик" учун дронларни экспорт қилишни 2 йилга тақиқлади
Хитой Савдо вазирлиги 1 сентябрдан бошлаб баъзи дронлар ва тегишли ускуналарга экспорт назорати жорий этилишини эълон қилди. Бу ҳақда Рейтерс ахборот агентлиги хабар қилмоқда.
Хусусан, дрон двигателлари, лазерлар, алоқа ва ҳимоя тизимларига чекловлар жорий этилмоқда. Назорат чоралари, шунингдек, ҳарбий мақсадларда экспорт қилинишининг олдини олиш учун баъзи фуқаролик дронларига ҳам таъсир қилади.
Батуми аҳолиси: "Россияликларга бизнинг мамлакатимизда жой йўқ!"
31 июл куни россиялик сайёҳлар билан Асториа Гранде круиз лайнери қайтиб кетаётиб, яна Грузиянинг Батуми портига етиб келди ва у ерда маҳаллийлар яна норозилик акциясини уюштиришди.
Одамлар Россия Грузиянинг 20 фоиз ерларини босиб олганини таъкидлаб: "Уларга бизнинг мамлакатимизда жой йўқ!" шиорларини кўтариб чиқишди.
Талабалар, мухолифатчилар ва жамоат фаоллари Батуми портига тўпланишди. Камида 10 киши ҳибсга олингани айтилди. Мана бу шахс эса норозилик билдираётган грузияликлар орасига кириб “Сенларга нима ёқмаяпти?! Ҳа, мен русман!” дея ҳайқиргани учун қувилди.
Асториа Гранде лайнери бортида 800 дан ортиқ асосан россияликлар бўлиб, улар Истанбул – Сочи йуналиши бўйлаб саёҳат қилмоқда.
Лайнер аллақачон 27 июл куни Батуми портига келиб кетганди. Ўша куни ҳам Батуми ва Тбилисида норозилик намойишлари бўлиб ўтди. Намойишчилар Россиянинг Украинага бостириб киришига норозилик билдириб, баъзи рус сайёҳларининг грузиялик журналистларнинг саволларига берган жавобларидан норози бўлишди. Интервюларда россиялик лайнер сайёҳлари 2008 йилда Грузия билан урушда Россиянинг ҳаракатларини қўллаб-қувватлашларини айтишган. Хусусан, шарҳлардан бирида “Россия Абхазияни грузинлардан озод қилди!” деган гап грузинлар ғазабини қўзғатиб юборди.