“Челленжер”- мерган танк
“Британиянинг “Челленжер”и танклар орасида мерган танк саналади”, дейди Украина Қуролли кучлари ҳаво-десант кучлари танк бўлинмаларидан бирининг ҳайдовчиси:
"Унинг афзаллиги шундаки, у узоқ масофага жуда катта аниқликда ота олади. Бу узоқ масофани босиб ўта оладиган машина, у душман техникасини йўқ қилиш учун яратилган. Шахсий таркибни йўқ қилиш учун эса пиёда аскарлар ва артиллерия бор"
Шу билан бирга аскар Совет танкларини Челленджер билан таққослади:
Кубаликларни Украина урушига ёллаган шахслар Гаванада ушланди
Кубада Куба фуқароларини Украинадаги урушда Россия сафида жанг қилишга мажбурлаган одам савдоси гуруҳи фош қилинди.
Гавана Москва билан яқин алоқаларга эга, аммо у узоқ вақтдан бери урушдаги иштирокини қатъиян рад этиб келади. Куба давлат телевидениеси одам савдоси тармоғи фош қилиниб, жиноий иш қўзғатилганини айтди.
Маҳаллий канал Куба душманлари жиноий ишга ҳукуматни шерик сифатида кўрсатишга уринаётганини айтиб, бу асоссиз эканлигини ҳам қўшимча қилган. Куба ташқи ишлар вазирлиги ёзма баёнотида одам савдоси тармоғи Россиядан туриб фаолият юритаётгани, Россияда яшовчи Куба фуқароларидан фойдаланишга ҳаракат қилгани, шунингдек, Кубанинг ўзида ҳам баъзи фуқароларни тузоққа илинтирганини маълум қилди.
Куба ташқи ишлар вазирлиги баёнотида кубаликларни »ёлланма аскарлар"га айлантиришга бўлган бўлган ҳар қандай уриниш қарши чора кўрилиши айтилган.
Россия ўз мамлакатидаги иқтисодий муаммолардан қочишга уринаётган кубалик муҳожирлар учун асосий манзиллардан бири.
Россия Украинанинг тинч аҳоли яшаётган ҳудудларига ракета ҳужумини давом эттирди
8 сентябр, жума куни Украина шимоли-шарқидаги Суми вилоятига ракета ҳужуми оқибатида 3 киши жароҳатланган, дея хабар берди минтақа расмийлари.
Расмийларга кўра, 20 та хусусий уй ва саккизта автомобил зарар кўрган.
Украина фавқулодда хизматлари қутқарувчилар портлаш оқибатида яраланган аёлни тешикдан олиб чиқаётгани акс этган видеони жойлаштирди.
Баёнотда айтилишича, 65 ёшли аёл ва 70 ёшли эркак икки қаватли турар-жой биноси шикастланганидан кейин қутқариб олинган.
Запороже ва Кривой Рог - рус ракеталари ҳужуми остида
Россия қўшинлари 8 сентябр куни эрталаб Запороже ва Кривой Рогга ҳам ракета ҳужумларини уюштирди.
Кривой Рогда қурбонлар сони 41 кишига етди, 19 киши касалхонага ётқизилган. Днепропетровск вилояти ҳарбий бошқармаси (ОВА) раҳбари Сергей Лисакнинг айтишича, Кривой Рогда Россия ракетаси маъмурий бинога келиб урилган.
Запороже ОВА раҳбари Юрий Малашконинг айтишича, рус армияси Запорожега баллистик ракеталар билан зарба берилгани тахмин қилинаётганини билдирди. Ҳужум натижасида бир киши яралангани, фуқаролик инфратузилмаси объектлари вайрон қилингани ҳақида хабар берилди.