Конибодомда Украинага олиб қочилган вертолетда ўлдирилган штурман дафн этилди
Тожикистоннинг Конибодом шаҳрида Ми-8 вертолёти Украинага олиб қочилиши чоғида ўлдирилган 35 ёшли учувчи Хушбахт Турсуновни дафн қилишди. Аввалроқ, Турсунов сўнгги йилларини яшаган Екатеринбург шаҳрида у билан видолашув маросими ўтказилган эди, дея хабар қилмоқда Озодликнинг тожик хизмати.
Ҳалок бўлган штурманнинг отаси Алижон Турсуновга кўра, у ўғли Украинага қарши урушда иштирок этаётганидан бехабар бўлган.
Алижон Турсунов, марҳумнинг отаси “У капитан ҳарбий унвонида эди. Украинага кетганини билмасдим. Ўғлимга яхши тарбия берганмиз, ўқитганмиз. У оиламизнинг ягона боқувчиси эди”, дейди.
Хушбахт Турсунов Сизран учувчилар билим юртини тугатганидан сўнг Россияга кўчиб кетиб, отаси айтишича, қоровул бўлиб ишлаб юрган.
Ми-8 вертолётининг олиб қочилиши Украина ҚК Бош штаби Разведка бош бошқармаси (РББ)нинг олти ойлик махсус операцияси бўлгани айтилади. Украина ҳарбий разведкаси ходимлари учувчи билан алоқа ўрнатишга муваффақ бўлганлар ва у вертолётда Россия ҳудудини тарк этиб, Харьков вилоятига қўнган.
Россиялик учувчи РББ ходимлари аввалроқ Россиядан олиб чиқиб кетган оиласи билан бирга ҳозирда Украинада яшамоқда.
Украин разведкасига кўра, вертолётни Россия ҚК капитани, 28 ёшли Максим Кузьминов олиб қочган. У Украина разведкаси вакили билан ўзи алоқа боғлаган. Кузьминовга хавфсизлик кафолатлари, янги ҳужжатлар ва мукофот пули ваъда қилинган, шундан сўнг вертолётни фронт чизиғи орқали олиб ўтиш режаси ишлаб чиқилган.
Экипажнинг воқеадан бехабар икки аъзоси яширинишга уринган вақтларида ўлдирилган.
Россия АҚШ синовлари ҳақидаги даъволар билан ядровий таҳдид риторикасини кучайтирди
Сўнгги кунларда Украинадаги уруш манзарасида Кремлнинг турли баёнотлар бериб, Россия Ядровий синовларни тўлиқ тақиқлаш тўғрисидаги шартномани ратификация қилиш тўғрисидаги сўровини қайтариб олишга тайёрланаётган бўлиши мумкин.
Афтидан, бунга Владимир Путиннинг бундай синовларни қайта тиклаш имкониятини таклиф қилган изоҳлари сабаб бўлган. Кеча Кремл Россия қонунчиларига шартномани бекор қилиш йўлларини ишлаб чиқишга 10 кун берди.
Москванинг бу масала бўйича сўнгги баёнотларида ташқи ишлар вазири ўринбосари Сергей Рябков бугун эрталаб Россия Қўшма Штатлар Невадада ядровий синовларга тайёргарлик кўраётгани аломатларини кўрганини айтди.
Рябков АҚШ синовларни ўтказадиган тақдирдагина Россия ядровий синовларни қайта бошлаши ҳақида сўзлагани эътиборга молик.
Россия давлат ахборот агентлиги ТАСС ҳам Рябковга иқтибос келтирган ҳолда Россия Ташқи ишлар вазирлиги тарихий шартномани ратификация қилишни бекор қилиш бўйича қонун лойиҳасини ишлаб чиқаётганини маълум қилди.
АҚШнинг бу баёнотларига жавоб берганича йўқ, аммо Оқ Уй Кремлни бир неча бор Ғарб кучларини Украинани қўллаб-қувватлашдан қайтаришга уринишда ядро таҳдидларини қўллаганликда айблаб келади
Фейклар сони кескин кўпайди
Охирги пайтларда Интернет тармоқларида ҳақиқий хабарлар билан бирга фейк хабарлар сони ҳам кескин кўпайгани айтилмоқда. Масалан, мана бу тасвирлар тармоқларда энг кўп кўрилган видеолардан бири.
Унда Украинада йўқ қилинган Россиянинг Т-90М “Прорыв” танки тасвирланган. Аммо Россия пропагандачилари бу видеони Ҳамас томонидан Исроилнинг “Меркава” танки йўқ қилиниши сифатида тақдим этишди.
Улар аллақачон ўз постларини ўчириб ташлашган.
Бир доллар 102 рублдан ошди
Рубл душанба куни долларга нисбатан 18 ойдан кўпроқ вақт давомидаги энг паст даражага тушди ва 102 доллар ошиб кетди. Бунга хориж валютаси таклифи камайиши ва таваккалчилик иштиёқини сусайтираётган Исроилдаги можаро ортидан юқорироқ нархларни сақлаб қолишга интилаётган нефт нархи тўсқинлик қилмоқда.
9 октябр кунининг ўрталарида рубл долларга нисбатан 1,8 фоизга заифлашди, бу 2022 йил 23 мартдан бери энг заиф нуқта бўлди. 2022 йил февралида Москва Украинага ўн минглаб қўшин жўнатганидан сўнг, Россия валютаси бир доллар учун 121,5 рублга қулаганди.
Россиянинг асосий экспорти бўйича жаҳон стандарти бўлган Брент нефти 3,4 фоизга ошиб, бир баррел учун 87,46 долларни ташкил этди, бунга Яқин Шарқдаги ҳарбий можаро бўлди.
Россия Молия вазирлиги октябр ойида энергетика компанияларидан солиқ тушумлари ошишини кутмоқда.
"Агар бу прогнозлар рўёбга чиқса, нефт компаниялари бюджет билан ҳисоб-китоб қилиш учун валюта тушумларини сотишни кескин оширишлари керак", дейди “Алор Брокер” компанияси мутахассиси Алексей Антонов.